تہران۔ 22 فروری (اے پی پی) جہانی جوہری توانائی ایجنسی نا ڈائریکٹر جنرل رافیل گروسی ایران نا دورہ ءِ پورو کرے۔ اوکان پد اوپارے کہ ہڑتوم آ کڑدہ غاک اسہ عارضی خصوصی معاہدہ سے آ سرمسنو تانکہ جہانی جوہری توانائی ایجنسی ایران نا جوہری سرجز آتا چاروکی و اودے پک کرسا کے۔ بیان اٹ زور شاغنگاکہ ہڑتوم آ کڑدہ غاک تین پہ تینی کمکاری و تین پہ تینی پت ءِ …
ایران و جہانی جوہری توانائی ایجنسی نا نیام اٹ عارضی تکنیکی معاہدہ
گیشتریں ھال
تہران۔ 22 فروری (اے پی پی) جہانی جوہری توانائی ایجنسی نا ڈائریکٹر جنرل رافیل گروسی ایران نا دورہ ءِ پورو کرے۔ اوکان پد اوپارے کہ ہڑتوم آ کڑدہ غاک اسہ عارضی خصوصی معاہدہ سے آ سرمسنو تانکہ جہانی جوہری توانائی ایجنسی ایران نا جوہری سرجز آتا چاروکی و اودے پک کرسا کے۔ بیان اٹ زور شاغنگاکہ ہڑتوم آ کڑدہ غاک تین پہ تینی کمکاری و تین پہ تینی پت ءِ سوگو کرسا کیر و 26 اگست 2020ء آ طے مروک آ اسیجائی بیان آ عملدرآمد ءِ برجاتخنگک۔ معاہدہ نا رداٹ مستین آنبار ایران جامع چاروکی نامعاہدہ نا فریم ورک انا رداٹ جہانی جوہری توانائی ایجنسی نا چاروکی و معائنہ نا کاریم ءِ بیدس پابندی آن امنا کیک۔ ہڑتوم آ کڑدہ غاک اسہ عارضی تیکنیکی معاہدہ سے آ سرمسنو ہرانا رداٹ ایران اٹ جہانی جوہری توانائی ایجنسی نا 3 تُو اسکان نا مد اکن المی چاروکی و توثیق نا کاریم نا ضمانت ءِ تننگک۔
