اقوام متحدہ۔ 18 فروری (اے پی پی) پاکستان کورونا دین اٹ جہانی کہول آ بے چیٹی نا چٹفنگ نا اقوام متحدہ نا سلامتی کونسل نا خواست آن انکار آ بھارت آ تنقید کرسا پارے کہ بھارت اقوام متحدہ نا سلامتی کونسل نا جھیڑہ غاتا چٹفنگ نا خواست آ عملدرآمد تو کتو ولے تینا غیر کانودی کوزہ ٹی جموں کشمیر اٹ تینا جارحیت، ظلم و بربریت اٹ ودکی ضرور کرینے۔ اوکورونا نا دین انا برخلاف متحد مننگ ک اقوام متحدہ نا سیکرٹری جنرل انتونیوگوتریش نا جہانی کہول آ جنگ بندی نا اپیل نا توثیق آ مبنی قرارداد آ عملدرآمد کن تدوک آ دے اقوام متحدہ نا سلامتی کونسل اٹ شرہ کن جمع کرفوک تینا تقریر اٹ پارےکہ بھارت کورونا نا دین انا فائدہ ءِ ہرفسا کشمیری الس آ لاک ڈاؤن و مقبوضہ جموں و کشمیر اٹ جور، ظلم و بربریت نا ظالمانہ و حشیانہ مہم اٹ ترندی ایس۔ اواقوام متحدہ نا سیکرٹری جنرل انتونیوگوتریش، جہانی ادارہ و خاص کر جہانی ادارہ جان جوڑی نا کنڈآن کورونا دین انا برخلاف ردعمل نا ستاءِ کرسا زور شاغا کہ کورونا دین آن بچفنگ نا ویکسین نا بریبر و منصفانہ بشخنگ ءِ پک کننگے و کورونا دین آن زہمی پدتموک ملک آک و غریب آتون یکجہتی کن ہلہلہ ئی مالیاتی پروگرام نا بے کچ اہم گام گیج آ عملدرآمد بھاز المی ءِ۔ دابابت اووزیراعظم پاکستان عمران خان نا 5 ٹکی ایکشن پلان نا کنڈآ چکار کرفے ہراٹی کورونا ویکسین اسکان بریبررسینگ، وام تا زرتس اٹ ریلیف، رعایتی وام، اسپیشل ڈرائنگ رائٹس یعنی جہانی ریزرومیرات آتا تخلیق و پدتموک ملک آتیان غیر کانودی مالیاتی بہاؤ ءِ توننگ اوار ءِ۔ اواومیت ظاہر کرے کہ جہانی برادری دا 5 ٹکی ایکشن پلان ءِ پک کیک۔ اوپارے کہ ہراتسکان بھارت نا غیر کانودی زیر تسلط جموں کشمیر نا ہیت ءِ دا معاملہ سلامتی کونسل نا ایجنڈاٹی اوار ءِ و اقوام متحدہ نا سیکرٹری جنرل دا پیدوار کرینے کہ بے چیٹی نا چٹفنگ آ عملدرآمد نا خواست اٹی کشمیر ہم اوار ءِ۔
