کابل۔ 14مارچ (اے پی پی) دے ٹکی اوغانستان اٹی بمب دھماکہ ٹی مسہ امریکی فوجی ٹھپی مسر، لغمان اٹی اسہ جھیڑہ اسے ٹی پنی طالبان کمانڈر عبدالولی تاتپاخت کرے، کابل اٹی دھماکہ ٹی اسہ نیاڑی اس تپاخت و 19 پین بندغ ٹھپی مسنو۔ اوغان میڈیا نارداٹ کمادارآک پاریر کہ تدوک آ دے ننگر ہار نا دارالحکومت جلال آباد اٹی امریکی فوجی قافلہ نا خڑک زوردار دھماکہ مس ہراٹی مسہ امریکی فوجی ٹھپی مسر۔ کمامدارآک دا بابت مستی سرجم احوال تتوس۔ اوغان میڈیا نا رداٹ شدت پسند تنظیم داعش دا جلہو نا زمواری ئِ امنا کرینے۔ صوبہ لغمان اٹی اسہ جھیڑہ اسے ٹی پنی طالبان کمانڈر عبدالولی ئِ تپاخت کننگا۔ کمامدارآتارداٹ جھیڑہ کوٹیالی نا ہند آ مس ہراٹی اوفتا ایلو سنگت آک ہم خلنگار۔ دارالحکومت کابل اٹی اسہ دھماکہ اسے ٹی اسہ نیاڑی اس تپاخت و چندی ایلو بندغ آک ٹھپی مسر۔ وزارت داخلہ نا ترجمان پارے کہ دھماکہ تیمانی نا علاقہ ٹی مس۔ دھماکہ آن پد سیکورٹی فورس آتا کارروائی تیٹی مسہ شکبر بندغ نا دزگیری عمل اٹی اتنگانے۔ داکان بیدس ننگرہاراٹی مارٹرگولہ اسے نا ترخنگ آن مسہ چنا تپاخت کریر۔
