متحدہ عرب امارات اٹی کورونا دین انا 3500 پوسکن ءُ کیس پک

دبئی۔ 22 جنوری (اے پی پی) متحدہ عرب امارات اٹی کورونا دین آن زہمی 3500 پوسکن ءُ کیس پک مسنے۔ العربیہ نیوز انا رداٹ متحدہ عرب امارات اٹی تدوک آ 24 گھنٹہ ٹی کورونا دین آن زہمی 3500 پوسکن ءُ کیس پک مسنے وخت اس کہ 3901 دراخ جوڑ مسر و 4 بندغ زوال کریر۔ محکمہ جان جوڑی نا رداٹ داسہ کورونا دین انا کل ناجوڑ آتا کچ 2 لکھ 67 ہزار 258 اسکان مسنے وخت اس کہ 3901 بندغ آتا دراخ جوڑ مننگ آن پد داتم اسکان 2 لکھ 39 ہزار 322 مخلوق دراخ جوڑ مسنو۔ محکمہ جان جوڑی نا پاننگ ءِ کہ تدوک آ 24 گھنٹہ ٹی اسہ لکھ 63 ہزار 285 بندغ آتا ٹیسٹ کننگانے وخت اس کہ ہنداوخت اٹی 84 ہزار 919 بندغ ءِ کورونا ویکسین تننگا و داتم اسکان 22 لکھ 46 ہزار 69 بندغ کورونا ویکسین ہلکنو۔