نیویارک، لندن، نئی دہلی، ریوڈی جنیرو۔ 18 جنوری (اے پی پی) مچ آ دنیا ٹی کورونا دین آن مرک آتا کچ 20 لکھ 40 ہزار اسکان سرمس وخت اس کہ چندی ملک آتیٹی ہلوک آ دین آن زہمی بندغ آتا کچ 9 کروڑ 54 لکھ آن گدرینگانے۔ دوشنبے نا دے آ امریکی میڈیا نا رداٹ دنیا نا چندی ملک آتیٹی کورونا دین انا پک زہمی تا کچ 95484666ءِ، دین آن زہمی ملک آتیٹی داتم اسکان 2040153بندغ زوال کرینو۔ مچ آ دنیا ٹی کوویڈ۔ 19 نا فعال زہمی تا کچ 25255010ءِ، کورونا نا دین آن امریکہ غٹ آن زہمی مسنے۔ ملک اٹی کورونا دین انا سوب داتم اسکان جم مرک آک دنیا ٹی ملک اسے آن غٹ آن زیات ءُ۔ برازیل کورونا دین آن مروک آ مرک آتا لحاظ اٹ ارٹ میکو و ناجوڑ آتا بابت مسٹ میکو نمبر آٹی ءِ وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و زوال کروک آتا حساب وکتاب اٹ مسٹ میکو زہمی ملک ءِ۔ امریکہ ٹی کورونانا دین آن زہمی بندغ آتا کچ 2 کروڑ 44 لکھ 82 ہزار آن زیات مس وخت اس کہ مچ آ ملک اٹی دین آن مرک آتا کچ چار لکھ 7 ہزار اسکان سرمسنے۔ امریکہ ٹی کورونا دین انا ناجوڑ آتا جم کچ 24482050ءِ وخت اس کہ فعال زہمی تا کچ 9646497ءِ۔ امریکہ ٹی ہلوک آ دین آن زوال و فعال کیس آتا کچ اٹی پدریسہ ودکی مننگ ءِ۔ امریکہ ٹی کورونا نا دین آن داتم اسکان 407202بندغ زوال کرینو۔ بھارت اٹی کورونا دین انا زہمی تا کچ اسہ کروڑ 5 لکھ 72 ہزار اسکان سرمس، ملک انا چندی ریاست و مرکز آتا بست وبند اٹی علاقہ غاتیٹی ہلوک آ دین آن داتم اسکان اسہ لکھ 52 ہزار 4 سد آن زیات بندغ زوال کرینو۔ کورونا دین انا ناجوڑ آتا اعتبار اٹ بھارت دنیا نا ارٹ میکو غٹ آن زیات زہمی ملک ءِ، مچ آ ملک اٹی کورونا دین آن زہمی بندغ آتا کچ 10572672ءِ وخت اس کہ بھارتی وزارت جان جوڑی نا حساب وکتاب نا رداٹ مچ آ ملک اٹی کورونا دین انا فعال کیس آتا کچ 209519ءِ۔ کمامدارآتارداٹ بھارت اٹی کورونا دین آن داتم اسکان 152456بندغ زوال کرینو۔ بھارت اٹی کورونا دین انا ناجوڑ آتا کچ و مرک آتیٹی تدوک آ منہ ہفتہ ٹی کمتی بسنے۔ ایڑے برازیل اٹی کورونا دین زہمی تا کچ 84 لکھ 88 ہزار آن ودانے وخت اس کہ مچ آ ملک اٹی مرک آک 2 لکھ 9 ہزار آن گدرینگانو۔ برازیل اٹی کورونا دین آن مرک آک ودسا 209868مسنو۔ وزارت جان جوڑی نا رداٹ ملک اٹی داوخت آ کورونا دین انا پوسکن آ کیس آتیان پد پک ناجوڑ آتا کچ 8488099مسنے۔ برطانیہ ٹی ہلوک آ کورونا دین آن زوال کروک آتا کچ 89 ہزار 2 سد آن گدرینگا۔ ملک اٹی دین آن زہمی بندغ آتا جم کچ 33 لکھ 95 ہزار آن زیات ءِ۔ ملک اٹی کورونا زہمی تا کچ پدریسہ ودنگ ءِ، داوخت آ ملک اٹی کورونا دین انا فعال کیس آتا کچ 1771962ءِ۔ برطانیہ نا چندی شار و علاقہ غاتیٹی دا ہلوک آ دین آن داتم اسکان 89261 بندغ زوال کرینو۔
