نیویارک، لندن، نئی دہلی، ریوڈی جنیرو۔ 15 جنوری (اے پی پی) مچ آ دنیا ٹی کورونا نا دین آن مرک آتا کچ 20 لکھ اسکان سرمس، چندی ملک آتیٹی ہلوک آ دین آن زہمی بندغ آتا کچ 9 کروڑ 35 لکھ آن گدرینگانے۔ جمعہ نادے آ امریکی میڈیا نا رداٹ دنیا نا چندی ملک آتیٹی کورونا دین انا پک زہمی تاکچ 93554410ءِ، دین آن زہمی ملک آتیٹی داتم اسکان 2002841بندغ زوال کرینو۔ مچ آ دنیا ٹی کورونا نا فعال زہمی تا کچ 24696050ءِ، کورونا دین آن امریکہ غٹ آن زیات زہمی ءِ، ملک اٹی کورونا دین انا سوب آن داتم اسکان جم زوال کروک آتا کچ دنیا ٹی ملک اسے ٹی غٹ آن زیات ءِ۔ برازیل کورونا دین آن مروک آ زوال کروک آتا لحاظ اٹ ارٹ میکو و ناجوڑ آتا بابت مسٹ میکو نمبر آٹی ءِ وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و زوال کروک آتا حساب وکتاب اٹ مسٹ میکو زہمی ملک ءِ۔ امریکہ ٹی کورونا دین آن زہمی بندغ آتا کچ 2 کروڑ 38 لکھ آن زیات مس وخت اس کہ مچ آ ملک اٹی دین آن مرک آتا کچ مسہ لکھ 98 ہزار اسکان سرمسنے۔ ملک اٹی کورونا دین انا ناجوڑ آتا جم کچ 23848410ءِ وخت اس کہ فعال زہمی تا کچ 9338297ءِ۔ امریکہ ٹی ہلوک آ دین آن زوال و فعال کیس آتا کچ اٹی پدریسہ ودکی مننگ ءِ، امریکہ ٹی کورونا دین انا سوب داتم اسکان جم زوال کروک آتا کچ دنیا ٹی ملک اسے ٹی غٹ آن زیات ءِ۔ بھارت اٹی کورونا دین انا زہمی تا کچ اسہ کروڑ 5 لکھ 28 ہزار اسکان سرمس، ملک انا چندی ریاست و مرکز نا بست وبند علاقہ غاتیٹی ہلوک آ دین آن داتم اسکان اسہ لکھ 52 ہزار بندغ زوال کرینو۔ کورونا دین انا ناجوڑ آتا اعتبار اٹ بھارت دنیا نا ارٹ میکو غٹ آن بھلا زہمی ملک ءِ، مچ آ ملک اٹی کورونا دین آن زہمی بندغ آتا کچ 10528508ءِ وخت اس کہ بھارتی وزارت جان جوڑی نا حساب وکتاب نا رداٹ مچ آ ملک اٹی کورونا دین انا فعال کیس آتا کچ 214472ءِ۔ کمامدارآتارداٹ بھارت اٹی کورونا دین آن داتم اسکان اسہ لکھ 52 ہزار بندغ زوال کرینو۔ برازیل اٹی کورونا دین انا زہمی تا کچ 83 لکھ 26 ہزار آن ودانے وخت اس کہ مچ آ ملک اٹی زوال کروک آتا کچ 2 لکھ 7 ہزار آن گدرینگا۔ برازیل اٹی کورونا دین آن زوال کروک آتا کچ اٹی پدریسہ ودکی مننگ ءِ۔ ملک اٹی ہلوک آ دین آن زوال کروک آتا کچ ودسا 207160مسنے۔ وزارت جان جوڑی نا رداٹ ملک اٹی داوخت آ کورونا دین انا پوسکن آ کیس آتیان پد پک ناجوڑ آتا کچ 8326115مسنے۔ ایڑے برطانیہ ٹی ہلوک آ کورونا دین آن زوال کروک آتا کچ 86 ہزار آن گدرینگا، ملک اٹی دین آن زہمی بندغ آتا جم کچ 3260258ءِ۔ برطانیہ ٹی کورونا زہمی تا کچ پدریسہ ودنگ ءِ۔ داوخت آ ملک اٹی کورونا دین انا فعال کیس آتا کچ 1767276ءِ۔ برطانیہ نا چندی شار و علاقہ غاتیٹی دا دین آن داتم اسکان 86015بندغ زوال کرینو۔
