جنیوا۔ 13 جنوری (اے پی پی) جہانی ادارہ جان جوڑی (ڈبلیو ایچ او) نا سرپرستی ٹی کاریم کروک آ ادارہ کوویکس پارینے کہ او نیزگار ملک آتے کورونا دین آن بچفنگ نا ویکسین فراوان کننگ کن 6 ارب ڈالر نا فنڈ یکجا کرینے و ویکسین نا 2 ارب خورآتا آرڈر تسنے۔ ادارہ نا پاننگ ءِ کہ او ویکیسن نا پین اسہ ارب خور دوئی کننگ نا ارادہ تخک۔ ادارہ دا ویکسین تے نیزگار و کم کٹیا نا ملک آتیٹی جان جوڑی نا کارندہ غاتے فراوان کیک تانکہ او جہانی دین آن رکھ مرسا تینازمواری تے پورو کننگ کیر۔ دُن تو چین، امریکہ، اسرائیل و ایلو ملک آتے ویکسین نا فراوانی نا چرجوئی برجاءِ، ولے ورلڈ ہیلتھ آرگنائزیشن ءِ گڑتی ءِ کہ ویکسین نا اسٹاک آتا کچ اٹ ہرارفتار اٹ کمتی مننگ ءِ، اونا رداٹ مننگ کیک کہ کم یا درمیانی کٹیا کروک آ 92 ملک آتا ہیلتھ ورکرآتیکن کوویکس پروگرام نا بنائی ریسہ ٹی ویکسین دستیاب مننگ کپ۔ جہانی ادارہ جان جوڑی ویکسین جوڑ کروک آتیان اسہ وار ولدا خواست کرینے کہ او نیزگار ملک آتیکن ویکسین نا اونا پروگرام کوویکس کن کوویڈ۔ 19 آن بچفنگ نا ٹیکہ فراوان کے۔ ڈبلیو ایچ او نا سینئر ایڈوائزر بروس ایلوارڈ نا پاننگ ءِ کہ ننے اومیت ءِ و ننے یقین ءِ کہ نن فروری ٹی دا ملک آتیٹی ویکسینیشن کننگ کینہ۔ اونا پاننگ ئس کہ نن زیات آن زیات ملک آتیٹی ویکسین سرکننگ نا ہروڑکوشست کننگ اُن۔ ولے نن دا غٹ کاریم تے تنیا کننگ کپنہ۔ ننے ویکسین جوڑ کروک آتا و دا چرجوئی ٹی مالی کمک فراوان کروک آتا کمک درکار ءِ۔
