اقوام متحدہ۔ 13 جنوری (اے پی پی) اقوام متحدہ نا ساڑی سیکرٹری جنرل انتونیوگوتریش دا عہدہ غا اسہ پین پنچ سال انا دور انا سرجز آتے برجاتخنگ کن تینا پنداری نا پڑو ءِ کرینے۔ فارس خبررساں ادارہ اقوام متحدہ نا ترجمان نا بابت پارینے کہ سیکرٹری جنرل انتونیوگوتریش تینا سرجزآتے برجاتخنگ کن اسہ وار ولدا پندار اومیتدار مننگ نا پڑو ءِ کرینے۔ انتونیوگوتریش،پرتگال نا اسہ سیاستدان اس رہینگانے و او داوخت آ اقوام متحدہ نا نہہ می سیکرٹری جنرل نا حیثیت اٹ تینا خذمت آتے سرتننگ ءِ۔ او 1995 آن 2002 اسکان پرتگال نا وزیراعظم و 2005 آن 2015 اسکان اقوام متحدہ نا ہائی کمشنر پناہ گزین رہینگانے وخت اس کہ 2017ء ٹی او اقوام متحدہ نا سیکرٹری جنرل گچین کننگاسس۔
