نیویارک، لندن، نئی دہلی، ریوڈی جنیرو۔ 13 جنوری (اے پی پی) مچ آ دنیا ٹی کورونا دین آن مرک آتا کچ 19 لکھ 70 ہزار اسکان سرمس۔ چندی ملک آتیٹی ہلوک آ دین آن زہمی بندغ آتا کچ 9 کروڑ 20 لکھ آن گدرینگانے۔ چارشنبے نادے آ امریکی میڈیا نارداٹ دنیا نا چندی ملک آتیٹی کورونا دین انا پک زہمی تا کچ 92014026ءِ، دین آن زہمی ملک آتیٹی داتم اسکان 1970117 بندغ زوال کرینو۔ مچ آ دنیا ٹی کورونا نا فعال زہمی تا کچ 24193579ءِ ، کورونا نا دین آن امریکہ غٹ آن زیات زہمی مسنے۔ ملک اٹی کورونا دین انا سوب داتم اسکان جم زوال کروک آتاکچ دنیا ٹی ملک اسے ٹی غٹ آن زیات ءِ۔ برازیل کورونا دین آن مروک آ زوال کروک آتا لحاظ اٹ ارٹ میکو وناجوڑ آتا بابت مسٹ میکو نمبر آٹی ءِ وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و زوال کروک آتا حساب وکتاب اٹ مسٹ میکو زہمی ملک ءِ۔ امریکہ ٹی کورونا دین آن زہمی بندغ آتا کچ 2 کروڑ 33 لکھ 68 ہزار وخت اس کہ مچ آ ملک اٹی دین آن مرک آتا کچ مسہ لکھ 89 ہزار اسکان سرمسنے۔ ملک اٹی کورونا دین انا ناجوڑ آتا جم کچ 23368225ءِ وخت اس کہ فعال زہمی تا کچ 9162598ءِ۔ امریکہ ٹی ہلوک آ دین آن زوال و فعال کیس آتا کچ اٹی پدریسہ ودکی مننگ ءِ، امریکہ ٹی ہلوک آ کورونا دین آن داتم اسکان 389599 بندغ زوال کرینو۔ بھارت اٹی کورونا دین زہمی تا کچ اسہ کروڑ 4 لکھ 95 ہزار اسکان سرمسنے،ملک انا چندی ریاست آتیٹی کورونا غان داتم اسکان اسہ لکھ 51 ہزار 5 سد آن زیات بندغ زوال کرینو۔ کورونا دین انا ناجوڑ آتا اعتبار اٹ بھارت دنیا نا ارٹ میکو غٹ آن زیات زہمی ملک ءِ، مچ آ ملک اٹی کورونا دین آن زہمی بندغ آتا کچ 10495816 ءِ وخت اس کہ بھارتی وزارت جان جوڑی نا حساب وکتاب نا رداٹ بھارت اٹی کورونا دین آن داتم اسکان 151564 بندغ زوال کرینو۔ لاطینی امریکی ملک برازیل اٹی کورونا دین زہمی تا کچ 81 لکھ 95 ہزار آن ودانے وخت اس کہ مچ آ ملک اٹی کورونا آن زوال کروک آتا کچ 2 لکھ 4 ہزار 7 سد آن گدرینگانے۔ برازیل اٹی کورونا دین انا پوسکن آ کیس آتیان پد پک ناجوڑ آتا کچ 8195637مس۔ برازیل اٹی داوخت آ کورونا دین انا 717204فعال ناجوڑ ءُ۔ برازیل نا وزارت جان جوڑی نا حساب وکتاب نا رداٹ ملک اٹی کورونا دین آن زوال کروک آتا کچ 204726 اسکان سرمسنے۔ ایڑے برطانیہ ٹی ہلوک آ کورونا دین آن زوال کروک آتا کچ 83 ہزار اسکان سرمس، ملک اٹی دین آن زہمی بندغ آتا جم کچ 31 لکھ 64 ہزار آن زیات ءِ۔ ملک اٹی کورونا زہمی تا کچ پدریسہ ودنگ ءِ، داوخت آ ملک اٹی کورونا دین انا فعال کیس آتا کچ 1673881ءِ۔ برطانیہ نا چندی شار و علاقہ غاتیٹی دا دین آن داتم اسکان 83203 بندغ زوال کرینو۔
