اسلام آباد۔12جنوری (اے پی پی): صدر ءِ مملکت ڈاکٹر عارف علوی ءَ ھاسیں مردآناں ازمکار جوڑ کنگ ءِ واستہ بنجاھی ءُ صوبائی حکومت ءُ سول سوسائٹی ءِ نیام ءَ وت مہ وتی کمک آنی ضلورت آنی سر ءَ زور دیان ءَ گوشت کہ ھاسیں مردم آنی مالی ءُ وانگ ءُ زانگی ھواری یک ٹوھیں جیڈھ ات ءُ ایشی ءَ چہ در کپگ ءَ سرجمیں چاگرد ءِ یکجائی زمہ واری انت، ھاسیں مردم آناں مارکیٹ ءِ ضلورت ءِ رد ءَ ازمکاری دیگ ءِ واستہ ھاسیں ھیل کاری کورس پجاروکی کنائینگ بہ بیت۔ آ سئے شمبے ءَ ادا ھاسیں مردم آنی برجائی ءِ ھوالگ ءَ یک دیوانے ءِ سروکی ءَ کنان ءَ کت۔ چیئرمین نیشنل ووکیشنل اینڈ ٹیکنیکل ٹریننگ کمیشن (نیوٹیک) سید جاوید حسن ءَ ھاسیں مردم آنی گہبود ءِ واستہ کتگیں گامگیج آنی بابت ءَ صدر ءِ مملکت ءَ را بریفنگ دات۔ صدر عارف علوی ءَ گوشت کہ ھاسیں مردم آنی چاگردف ءِ ھوار کپگ ءِ گوما آوانی بنجاھی وانگ ءُ زانگی پڑ ءَ ھوار گیجگ لوٹ ایت۔ ھاسیں مردم آناں چاگرد ءِ دیمروئی ءَ وتی کرد پیلو کنگ ءِواستہ مارکیٹ ءِ ضلورت ءِ رد ءَ ازم سکھارینگ ءِ ضلورت انت۔ آئی ءَ نیشنل ووکیشنل اینڈ ٹیکنیکل ٹریننگ کمیشن ھاسیں مردم آنی واستہ ھاسیں ھیل کاری کورس تیار بکنت، ھاسیں مردم آناں مالی ءُ وانگ ءُ زانگی ھوار کپگ یک ٹوھیں جیڈھ ات ءُ ایشی ءَ چہ در کپگ مئے درستانی زمہ واری انت۔
