اسلام آباد۔12جنوری (اے پی پی):اسپیکر راجی اسمبلی اسد قیصر ءَ گوں سئے شمبے ءَ چیف ایگزیکیٹیو آفیسر (سی ای او) چل فائونڈیشن ڈاکٹر بخت سرور ءُ چیئرمین خبیب فائونڈیشن ندیم احمد ءَ گند ءُ نند کت۔ گند ءُ نند ءَ اسپیکر اسد قیصر ءَ را چل فائونڈیشن ءُ خبیب فائونڈیشن ءِ نیمگ ءَ ھاسیں مردم ءُ کودک ءُ چورائیں زھگ آنی گہبود ءِ واستہ چست کتگیں گامگیج آناں سرپد کنگ بوت۔ سی ای او چل فائونڈیشن ءَ اسپیکر راجی اسمبلی ءُ پاک فضائیہ ءِ یکجائی منصوبگ عالم آباد ویلفئیر ٹائون، صوابی ءَ جسمانی رنگ ءَ زبھریں مردم آنی جوڑ یشتی بنجاھ ءِ جوڑیشت ءُ انتظامی ءِ سر ءَ بریفنگ دات۔ آئیءَ ادارگ ءِ نیمگ ءَ آیوکیں باندات ءِ بنگیج کتگیں ایندگر منصوبگ آنی بابت ءَ سر پد کت۔ چیئرمن خبیب فائونڈیشن ءَ اسٹریٹ چلڈرن ءِ برجائی ءِ واستہ جتا جتائیں منصوبگ آنی سر ءَ بریفنگ دیان ءَ چاگرد ءِ ایندگر گریب ءُ بزگ آنی دیمروئی ءُ گہبود ءِ واستہ کمک کنگ ءِ دل یکیمی کت۔ اسپیکر ءَ راجی اسمبلی ءَ اے ادارگ آنی گامگیج آناں ساڑات ءُ چاگرد ءِ بزگیں تبک ءِ دیمروئی ءِ واستہ ھمک رنگیں گامگیج چست کنگ ءِ جزم ءَ را درشان کت۔ آءی ءَ گوشت کہ آ گریب آنی واستہ جان سلامتی ءُ وانگ ءُ زانگ ءُ ایندگر آسراتی ءِ پجاری ءَ اچ موہ یل کنگ نہ بیت تانکہ اسپیشلیں مردم آناں ھم ملک ءِ دیمروئی ءُ جوڑیشت ءَ وتی کرد ءَ را برجمیں رنگ ءَ پیلو کت بکن انت۔
