نیویارک، لندن، نئی دہلی، ریوڈی جنیرو۔ 12 جنوری (اے پی پی) مچ آ دنیا ٹی کورونا نا دین آن مرک آتا کچ 19 لکھ 53 ہزار اسکان سرمس، چندی ملک آتیٹی ہلوک آ دین آن زہمی بندغ آتا کچ 9 کروڑ 13 لکھ آن گدرینگانے۔ سے شنبے نادے آ امریکی میڈیا نا رداٹ دنیا نا چندی ملک آتیٹی کورونا دین انا پک زہمی تا کچ 91322850ءِ، دین آن زہمی ملک آتیٹی داتم اسکان 1953174بندغ زوال کرینو۔ مچ آ دنیا ٹی کورونا نا فعال زہمی تا کچ 24052235ءِ، کورونا نا دین آن امریکہ غٹ آن زیات زہمی مسنے۔ ملک اٹی کورونا دین انا سوب داتم اسکان جم زوال کروک آتا کچ دنیاٹی ہرملک اٹی غٹ آن زیات ءِ۔ برازیل کورونا دین آن مروک آ زوال کروک آتا لحاظ اٹ ارٹ میکو و ناجوڑ آتا بابت مسٹ میکو نمبر آٹی ءِ وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و زوال کروک آتا حساب کتاب اٹ مسٹ میکو زہمی ملک ءِ وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و زوال کروک آتا کچ اٹ مسٹ میکو زہمی ملک ءِ۔ امریکہ ٹی کورونا دین آن زہمی بندغ آتا کچ 2 کروڑ 31 لکھ 43 ہزار ءِ وخت اس کہ مچ آ ملک اٹی دین آن مرک آتا کچ مسہ لکھ 85 ہزار اسکان سرمسنے۔ ملک اٹی کورونا دین انا ناجوڑ آتا جم کچ 23143197ءِ وخت اس کہ فعال زہمی تا کچ 9077487ءِ۔ امریکہ ٹی ہلوک آ دین آن زوال و فعال کیس آتا کچ اٹی پدریسہ ودکی مننگ ءِ، امریکہ ٹی ہلوک آ کورونا دین آن داتم اسکان 385249 بندغ زوال کرینو۔ بھارت اٹی ہلوک آ کورونا دین آن زہمی تا کچ اسہ کروڑ 4 لکھ 79 ہزار اسکان سرمس، ملک انا چندی ریاست آتیٹی کورونا غان داتم اسکان اسہ لکھ 51 ہزار 3 سد آن زیات بندغ زوال کرینو، کورونا دین انا ناجوڑ آتا اعتبار اٹ بھارت دنیانا ارٹ میکو غٹ آن زیات زہمی ملک ءِ، مچ آ ملک اٹی کورونا دین آن زہمی بندغ آتا کچ 10479913ءِ وخت اس کہ بھارتی وزارت جان جوڑی نا حساب وکتاب نا رداٹ مچ آ ملک اٹی کورونا دین انا فعال کیس آتا کچ 217839ءِ۔ بھارت اٹی کورونا دین آن داتم اسکان 151364بندغ زوال کرینو۔ داکان بیدس بھارتی کمامدارآتا پاننگ ءِ کہ کورونا نا دین انا برخلاف 16 جنوری آن ویکسینیشن مہم نا بناءِ کننگک۔ اولیکو ریسہ ٹی مسہ کروڑ بندغ ءِ ویکسین خلنگک ہرافتے ٹی ڈاکٹر و ایلو طبی کارندہ غاک اوار ءُ۔ بھارتی حکومت بروک آ منہ تُواٹی 30 کروڑ شاری تے ویکسین خلنگ نا ہدف مقرر کرینے۔ لاطینی امریکی ملک برازیل اٹی کورونا دین انا زہمی تا کچ 81 لکھ 33 ہزار آن ودانے وخت اس کہ مچ آ ملک اٹی کورونا غان زوال کروک آتا کچ 2 لکھ 3 ہزار 6 سد آن گدرینگا۔ برازیل اٹی کورونا دین انا پوسکن آ کیس آتیان پد پک ناجوڑ آتا کچ 8133833مس۔ برازیل نا وزارت جان جوڑی نا حساب وکتاب نا رداٹ ملک اٹی کورونا دین آن زوال کروک آتا کچ 203617اسکان سرمسنے۔ ایڑے برطانیہ ٹی ہلوک آ کورونا دین آن زوال کروک آتا کچ 82 ہزار اسکان سرمس، ملک اٹی دین آن زہمی بندغ آتا جم کچ 31 لکھ 18 ہزار آن زیات ءِ۔ ملک اٹی کورونا زہمی تا کچ پدریسہ ودنگ ءِ۔ داوخت آ ملک اٹی کورونا دین انا فعال کیس آتا کچ 1629591ءِ۔ برطانیہ نا چندی شار و علاقہ غاتیٹی دا ہلوک آ دین آن داتم اسکان 82 ہزار بندغ زوال کرینو۔ کمامدارآتارداٹ ملک اٹی داتم اسکان 3118518 بندغ کورونا غان زہمی مسنو۔
