اسلام آباد۔ 13مارچ (اے پی پی) اقتصادی کمکار تنظیم( ای سی او) نا باسک ملک آتون واپاری رابطہ غاتا مون آ دننگ آن قومی برآمد آتیٹی نمان ودکی مریک۔ ای سی او نا باسک ملک آتے غذائی غلہ غاتا برآمد آتیٹی ودکی نا بھلو گمان اس ساڑی ارے۔ وزارت واپار نا کمامدارآک پاریر کہ دا وخت ای سی او نا باسک ملک آتے سالانہ 620 ملین ڈالر مالیت نا غذائی مصنوعات برآمد کننگ انگ ئِ ہرافتے بیرہ اسہ سال اسے نا چنکو وخت اسے ٹی اسہ ارب ڈالر آن ودفنگ مریک ۔ ای سی او نا باسک ملک آتا منڈیک پاکستان کن بھلا درآمدی منڈی جوڑ مننگ کیک۔ اوپارے کہ سی پیک نا رداٹ ای سی او نا باسک و ڈیہہ نا ایلو ملک آتون اقتصادی وواپاری رابطہ غاتا مون آ دننگ آن جم اٹنگا قومی برآمد آتون اوار غذائی غلہ غاتا ملکی برآمد آتیٹی ہم ودکی مریک ہراڑآن نہادی زرمبادلہ کٹیا کرسا قومی معیشت نا شونداری ٹی کمک دوئی کننگ مریک۔
