اسلام آباد۔ 13مارچ (اے پی پی) پاکستان ٹینس فیڈریشن اسلامک گیم آتے کن 8 باسکی ٹیم نا پڑو کرینے، اعصام الحق جہانی مقابلہ غاتا سوب دستیاب مفک۔ پاکستان ٹینس فیڈریشن نا سیکرٹری محمد خالد رحمانی نا رداٹ اسلامک گیمک اینخو نا سال 12آن 22مئی اسکان آذربائیجان نا شار باکو ٹی مریرہ ہراڑکن پاکستان ٹینس فیڈریشن ہشت باسکی نرینہ و نیاڑی ٹیم تا پڑو کرینے، نرینہ گوازی گر تیٹی عقیل خان ، عابد علی، اکبر محمد، مشتاق ومزمل مرتضیٰ اوار ئُ، اعصام الحق جہانی مقابلہ غاتیٹی اختہ مننگ نا سوب ایونٹ کن دستیاب مفک۔ ہنداوڑ نیاڑی گوازی گر تیٹی اوشنا سہیل، سائرہ منصور، سائرہ محبوب و مہک کھوکھر اوار ئُ۔ اوپارے کہ ایونٹ کن قومی گوازی گر تا تربیتی کیمپ بھاز زوت خلنگک و اوفتے تربیتی کیمپ اٹی جدید و بڑزکو معیار نا تربیت تننگک۔ اوپارے کہ ایونٹ کن فیڈریشن باصلاحیت نرینہ و نیاڑی گوازی گر تے گچین کرینے و اومیت ئِ اسلامک گیم تیٹی قومی ٹینس ٹیم شاندار کارکڑد نا درشانی ئِ کرسا میڈل ئِ کٹسا پدی آ پدی بریک۔
