واشنگٹن۔ 11 مارچ (اے پی پی) امریکی صدر ڈونلڈ ٹرمپ ءَ فلسطین ءِ صدر محمود عباس ءَ را زوت وائٹ ہاوس ءِ تر ءُُُ تاب کنگ ءِ دعوت داتگ۔ امریکہ ءِ صدرءَ وتی فلسطینی ہمکار ءَ گوں ٹیلی فون ءِ سر ءَ گپ ءُُ تران کنان ءَ آئی ءَ تر ءُُ تاب کنگ ءِ دعوت دات۔ برطانوی ھال رسانکی ایجنسی روئٹرز ءِ رد ءَ صدر محمود عباس ءِ ترجمانی ءِ رد ءَ امریکہ ءِ صدر ءَ فلسطینی صدر ءَ گوں تران کنان ءَ آرا گوشت کہ آ ایمنیں گپ ءُُ تران آں پدا بندات بکنت۔ صدر ءِ ٹرمپ ءَ وتی اگدگ ءِ زورگ ءَ پد اولی رند ءَ فلسطینی صدر ءَ گوں رابطہ کتگ وھدیکہ ایشی ءَ چہ پیسر فروری ءَ آ اسرائیلی مزن وزیر بنیامن نتن یاہو ءِ میزبانی کتگ۔
