واشنگٹن، لندن، نئی دہلی، ریوڈی جنیرو۔ 28 دسمبر (اے پی پی) مچ آ دنیا ٹی کورونا دین آن مرک آتا کچ 17 لکھ 72 ہزار اسکان سرمس، چندی ملک آتیٹی ہلوک آ دین آن زہمی بندغ آتا کچ 8 کروڑ 11 لکھ آن گدرینگانے۔ دوشنبے نادے آ امریکی میڈیا نا رداٹ دنیا نا چندی ملک آتیٹی کورونا دین انا پک زہمی تا کچ 81144994ءِ، دین آن زہمی ملک آتیٹی داتم اسکان 1772135بندغ زوال کرینو۔ مچ آ دنیا ٹی کورونا نا فعال زہمی تا کچ 22079248ءِ، کورونانا دین آن امریکہ غٹ آن زیات زہمی مسنے، برازیل کورونا دین آن مرک کروک آتا لحاظ اٹ ارٹ میکو و ناجوڑ آتا بابت مسٹ میکو نمبر آٹے وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و مرک آتا حساب وکتاب اٹ مسٹ میکو زہمی ملک ءِ۔ کورونا دین آن میکسیکو ٹی اسہ لکھ 22 ہزار، برطانیہ ٹی 70 ہزار، اٹلی ٹی 72 ہزار، ایران اٹی 54 ہزار، روس اٹی 54 ہزار، ترکی ٹی 20 ہزار و سویلی افریقہ ٹی 26 ہزار آن زیات بندغ زوال کرینو۔ امریکہ ٹی کورونا دین آن زہمی بندغ آتا کچ اسہ کروڑ 95 لکھ 73 ہزار ءِ وخت اس کہ مچ آ ملک اٹی دین آن مرک آتا کچ مسہ لکھ 41 ہزار آن گدرینگانے۔ کمامدارآتارداٹ امریکہ ٹی کورونا دین انا ناجوڑ آتا جم کچ 19573847ءِ وخت اس کہ فعال زہمی تا کچ 7786834ءِ۔ امریکہ ٹی ہلوک آ دین آن مرک و فعال کیس آتا کچ اٹی پدریسہ ودکی مننگ ءِ، اسہ کروڑ 95 لکھ زہمی تتون امریکہ داوخت آ دنیا ٹی دین انا غٹ آن بھلا مرکز ءِ۔ امریکہ ٹی ہلوک آ کورونا نا دین آن داتم اسکان 341138 بندغ زوال کرینو۔ ایڑے بھارت اٹی کورونا دین انا زہمی تا کچ اسہ کروڑ اِرا لکھ و مرک آک اسہ لکھ 48 ہزار اسکان سرمسنو۔ تدوک آ 24گھنٹہ ٹی ملک اٹی کورونا دین انا 20333پوسکن ءُ کیس رپورٹ مسنے۔ بھارت نا چندی ریاست آتیٹی کورونا دین آن زہمی بندغ آتا کچ 10208725مسنے وخت اس کہ وزارت جان جوڑی نا حساب وکتاب نا رداٹ مچ آ ملک اٹی کورونا دین انا فعال کیس آتا کچ 278840ءِ۔ سرکاری حساب وکتاب نا رداٹ بھارت اٹی کورونا دین آن جم وڑاٹ اسہ لکھ 48 ہزار بندغ زوال کرینو۔ لاطینی امریکی ملک برازیل اٹی کورونا دین آن زہمی بندغ آتا کچ 74 لکھ 84 ہزار وخت اس کہ مرک آتا کچ اسہ لکھ 91 ہزار اسکان سرمسنے۔ برازیل اٹی کورونا دین آن زہمی پین 344 بندغ زوال کرینو، داٹی 18479پوسکن آ کیس آتیان پد پک ناجوڑ آتا کچ 7484285مس۔ برازیل نا وزارت جان جوڑی نا حساب وکتاب نا رداٹ ملک اٹی کورونا دین آن زوال کروک آتا پک کچ 191146ءِ۔

متعلقہ مضامینمصنف کی طرف سے مزید