واشنگٹن۔ 10 دسمبر (اے پی پی) امریکہ ٹی کورونا نا دین آن زہمی بندغ آتا کچ اسہ کروڑ 58 لکھ 20 ہزار مس وخت اس کہ مچ آ ملک اٹی دین انا سوب داتم اسکان 2 لکھ 96ہزار آن زیات بندغ زوال کرینو۔ پنچ شنبے نادے آ امریکی میڈیا نا رداٹ ملک اٹی کورونا دین انا ناجوڑ آتا کچ 15820042اسکان سرمسنے۔ امریکی محکمہ جان جوڑی نا رداٹ ملک اٹی کورونا دین انا فعال زہمی تا کچ 6296933ءِ وخت اس کہ دا ہلوک آ دین آن داتم اسکان 296698 بندغ زوال کرینو۔ مچ آ امریکہ ٹی کورونا دین انا کیس آتا کچ اٹی ودکی مننگ ءِ۔ کمامدارآتارداٹ ملک اٹی داتم اسکان کورونا دین آن زہمی 9226411بندغ دراخ جوڑ مسنو۔ مچ آ دنیا ٹی امریکہ کورونا دین آن غٹ آن زیات زہمی ملک ءِ۔ امریکہ ٹی کورونا دین انا سوب داتم اسکان جم زوال کروک آتا کچ دنیا ٹی ملک اسے ٹی غٹ آن زیات ءُ۔ مچ آ دنیا ٹی کورونا دین انا سوب زوال کروک آتا کچ 15 لکھ 75 ہزار آن زیات ءُ۔ اسہ کروڑ 58 لکھ زہمی تتون امریکہ داوخت آ دنیا ٹی دین انا غٹ آن بھلا مرکز ءِ۔ داہیت ذکر انا قابل ءِ کہ امریکہ ٹی کورونا دین انا اولیکو کیس انا تشخیص داسال 22 جنوری آ مسوسس۔
