متحدہ عرب امارات۔ 03 دسمبر (اے پی پی) متحدہ عرب امارات تینا 49 می قومی دے انا وخت آ تینا دُوانزدہ می سیٹلائٹ ءِ خلاغا گدریفے۔ متحدہ عرب امارات نا سرکاری خبررساں ادارہ نا رداٹ فالکن آئی پنی ءُ خلائی سیارہ ءِ پٹ وپولی مسخت آتیکن سویلی امریکہ ٹی واقع فرانسیسی خلائی مرکز آن چارشنبے نا سہب اتون ہندی وخت انا رداٹ پنچ بجہ ءُ 33 منٹ آ ہلنگانے۔ فالکن آئی سیٹلائٹ عکس کشی ناہائی ٹیکنالوجی آن شپ ءِ۔ دادے نقشہ، کشاری چاروکی، شاری ڈٹ بندی، چاگڑد نا مانیٹرنگ، قدرتی آفت آتا بابت ڈٹ بندی و ملک انا سیم و کرکی علاقہ غاتا دفاعی نقطہ نظر آن چاروکی کن کاریم اٹ اتنگک۔ یات سلے کہ یواے ای نا خلائی ایجنسی 2014ء ٹی جوڑ کننگاسس و او ساڑی آ سال تیٹی خلائی ٹیکنالوجی نا پڑاٹ نمان پیش رفت کرینے۔
