واشنگٹن، پیرس، نئی دہلی، ریوڈی جنیرو۔ 30 نومبر (اے پی پی) مچ آ دنیا ٹی کورونا نا دین آن مرک آتا کچ 14 لکھ 65 ہزار آن گدرینگا، چندی ملک آتیٹی ہلوک آ دین آن زہمی بندغ آتا کچ 6 کروڑ 30 لکھ اسکان سرمسنے۔ دوشنبےنادے آ امریکی میڈیا نا رداٹ دنیا نا چندی ملک آتیٹی کورونا نا پک زہمی تا کچ 63072475ءِ، دین آن زہمی ملک آتیٹی داتم اسکان 1465181بندغ زوال کرینو۔ مچ آ دنیا ٹی کورونا نا فعال زہمی تا کچ 18061465 ءِ، کورونا دین آن امریکہ غٹ آن زیات زہمی مسنے، برازیل کورونا دین آن مروک آ زوال کروک آتا لحاظ اٹ ارٹ میکو و ناجوڑ آتا بابت مسٹ میکو نمبر آٹے وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و زوال کروک آتا حساب و کتاب نارداٹ مسٹ میکو زہمی ملک ءِ۔ امریکہ ٹی کورونا نا دین آن زہمی بندغ آتا کچ اسہ کروڑ 37 لکھ 50 ہزار آن ودانے وخت اس کہ مچ آ ملک اٹی دین انا سوب داتم اسکان 2 لکھ 73 ہزار آن زیات بندغ زوال کرینو۔ ملک اٹی کورونا دین انا ناجوڑ آتا کچ 13750404ءِ۔ امریکی محکمہ جان جوڑی نا رداٹ ملک اٹی کورونا دین انا فعال زہمی تا کچ 5370129ءِوخت اس کہ دا ہلوک آ دین آن داتم اسکان 273072بندغ زوال کرینو۔ مچ آ امریکہ ٹی کورونا دین انا کیس آتا کچ اٹی ودکی مننگ ءِ۔ بھارت اٹی ہلوک آ کورونا دین آن مرک آتا کچ اسہ لکھ 37 ہزار آن زیات وخت اس کہ زہمی تا کچ 94 لکھ 32 ہزار آن گدرینگانے۔ تدوک آ 24 گھنٹہ ٹی ملک اٹی کورونا دین انا 41810 پوسکن ءُ کیس رپورٹ مسنے۔ کمامدارآتا پاننگ ءِ کہ داٹی مچ آ ملک اٹی کورونا دین آن پین 496بندغ زوال کرینو۔ ملک انا چندی ریاست آتیٹی کورونا دین آن زہمی بندغ آتا جم کچ 9432075ءِ وخت اس کہ بھارتی وزارت جان جوڑی نا حساب وکتاب نا رداٹ مچ آ ملک اٹی کورونا دین انا فعال کیس آتا کچ 447298ءِ۔ وزارت جان جوڑی نا کمامدارآتا رداٹ بھارت اٹی کورونا دین آن داتم اسکان جم وڑاٹ 137177 بندغ زوال کرینو۔ لاطینی امریکی ملک برازیل اٹی ہلوک آ کورونا دین آن زہمی بندغ آتا کچ 63 لکھ آن ودانے وخت اس کہ مچ آ ملک اٹی دین آن داتم اسکان اسہ لکھ 72 ہزار آن زیات بندغ زوال کرینو۔ برازیل اٹی تدوک آ 24 گھنٹہ ٹی کورونا دین انا 24468 پوسکن ءُ کیس مون آ بسنے ہراڑآن پک ناجوڑ آتا کچ 6314740مسنے۔ برازیل اٹی داوخت آ کورونا دین انا 563774 فعال ناجوڑ ءُ۔ برازیل نا وزارت جان جوڑی نا حساب و کتاب نا رداٹ ملک اٹی تدوک آ 24 گھنٹہ ٹی کورونا دین آن پین 272بندغ زوال کرینو۔ کمامدارآتارداٹ ملک اٹی کورونا دین آن زوال کروک آتا پک کچ 172848ءِ۔ فرانس اٹی کورونا دین آن زہمی بندغ آتا کچ 22 لکھ 18 ہزار آن زیات مس۔ ملک اٹی داتم اسکان ہلوک آ دین آن 52 ہزار آن زیات بندغ زوال کرینو۔ ملک اٹی کورونا دین آن داتم اسکان 2218483 بندغ زہمی مسنو۔ کمامدارآتا رداٹ فرانس نا چندی ہسپتال آتیٹی کورونا دین آن زہمی پین 198 بندغ دم تسر۔ فرانس اٹی داوخت آ کورونا دین انا فعال ناجوڑ آتا کچ 2004731ءِ۔ کمامدارآتارداٹ تدوک آ دے ملک انا چندی علاقہ غاتیٹی کورونا دین انا 9784 پوسکن ءُ کیسس مون آبسنے۔ فرانس اٹی کورونا دین آن داتم اسکان جم وڑاٹ 52325 بندغ زوال کرینو۔ اٹلی ٹی ہلوک آ کورونا دین آن داتم اسکان 54 ہزار 9 سد آن زیات بندغ زوال کرینو۔ وزارت جان جوڑی نا کمامدارآک پاریر کہ تدوک آ 24 گھنٹہ ٹی اٹلی ٹی کورونا دین آن پین 541 بندغ زوال کرینو۔ ملک اٹی کورونا زہمی تاجم کچ 1585178مسنے، داٹی ملک اٹی کورونا دین انا 20646 پوسکن ءُ کیس رپورٹ مسنے، دا ہلوک آ دین آن داتم اسکان جم کچ 54904بندغ زوال کرینو۔
