کابل۔25نومبر (اے پی پی):اوگانستان ءِ زرّباری صوبہ قندھار ءِ دارالحکومت قندھار سٹی ءَ پولیس کارگس ءِ ڈن ءَ کار بمب تراک ءَ 11 پولیس اپسرگ آں ھوار 15 مردم ٹپیگ بوتگ انت۔ چینی ھال رسانکی ادارگ ءَ صوبائی سیکورٹی ھال در آنی ھوالگ گوشگ بوت کہ چار شمبے ءِ سہب ءَ دو ایم بینومینا ءِ دمگ ءَ یک ناشرکارے ءَ ڈسٹرکٹ پولیس ءِ کارگس ء، گیٹ ءِ دپ ءَ تراک ءِ بوت اے تراک ءِ سامان یک گاڑیگ ئے ءَ را لڈگ ءُ آرگ بوتگ اتنت۔ ھمے گاڑی ءِ بمب تراک ءِ سبب ءَ 11 پولیس اپسرگ ءُ 4 شہری ٹپیگ بوت انت، ایشانان ہسپتال ءَ روان دیگ بوتگ وھدیکہ ترا ک ءَ چہ کارگس ءَ را سک باز تاوان رستگ ءُ کش ءُ کرے ماڑی آنی دریگ پرشتگ انت۔ صوبائی محکمہ پولیس ءِ ترجمان جمال بارک زئی ءَ گوشت کہ تران ءَ چہ 6 مردم ٹپیگ بوتگ انت۔ تراک ءِ زمہ واری انوگ ءَ تاں اچ گراپ ءَ قبول نہ کتگ۔
