کابل۔24نومبر (اے پی پی): اوگان صدر اشرف غنی ءَ میاں اوستمانی برات آنی سر ءَ زور پر دات کہ آ وتی معیشت آنی سر ءَ کورونا وائرس ءِ ھوپ ءِ نیگیٹیو رند پد آں ابید اوگانستا ءِ کمک ءَ را جاڑی دار ایت۔ فرانسیسی ھال رسانکی در آنی رد ءَ اوگان صدر ءَ اے لوٹ انچیں وھد ءَ کت وھد ءِ اوگانستان ءِ حکومت ءُ طالبان ءِ نیام ءَ لٹ ءُ لٹکاری جنگ ءُ چوپ ءِ واکیہ، ھمک روچ گیش بوھوکیں کرپشن ءُ امریکی ارد آنی در کپگ ءَ چہ پد جاور ھال آنی بابت ءَ ترس آں گوں دیم پہ دیمی انت۔ آئی ءَ سئے شمبے ءَ جنیوا ءَ اوگانستان ءِ واستہ بوھوکیں ڈونر کانفرنس ءَ گوں وتی ورچوئل گشتانک ءَ گوشت کہ کورونا وائرس ءِ ھوپ ءَ مارا میاں اوستمانی ترس ءُ بیم ءِ تہ ءَ دور داتگ۔ آئی ءَ گوشت کہ اوگانستان ءِ کمک ءُ ھمبراھ داری کنگ ءَ ما توامیں ملک آنی سک باز شگر ءُ منت وار آں ءُ اوگانستان ءِ کمک کنگ اے سکیں ساھت ءَ مئے درستانی یکجائی رنگ ءَ کورونا وائرس ءِ ھوپ ءَ گوں گر ءُ چیل بوھگ کوشست ءَ کنت ءَ انت، ایش لائک ءِ ستا ءُ توسیپی انت ءُ شمارا اوگانستان ءِ گوما مرچی ھم یکوئی مھکم انت۔ یات دارگ بہ بیت کہ 2016 ءَ برسلز ءَ بوھوکیں اوگانستان ڈونر کانفرنس ءَ کساس 15 ارب ڈالر جم کنگ بوتگ۔
