واشنگٹن، پیرس، نئی دہلی، ریوڈی جینرو۔ 24 نومبر (اے پی پی) مچ آ دنیا ٹی کورونا دین آن مرک آتا کچ 14 لکھ آن گدرینگا۔ چندی ملک آتیٹی ہلوک آدین آن زہمی بندغ آتا کچ 5 کروڑ 95 لکھ اسکان سرمسنے۔ سے شنبے نادے آ امریکی میڈیا نا رداٹ دنیا نا چندی ملک آتیٹی کورونا نا پک زہمی تا کچ 59514808ءِ، دین آن زہمی ملک آتیٹی داتم اسکان 1402028بندغ زوال کرینو۔ مچ آ دنیا ٹی کورونا نا فعال زہمی تا کچ 16957218ءِ ، کورونا دین آن امریکہ غٹ آن زیات زہمی مسنے، برازیل کورونا دین آن مروک آ زوال کروک آتا لحاظ اٹ ارٹ میکو و ناجوڑ آتا بابت مسٹ میکو نمبر آٹے وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و زوال کروک آتا حساب و کتاب اٹ مسٹ میکو زہمی ملک ءِ۔ امریکہ ٹی کورونا نا دین آن زہمی بندغ آتا کچ اسہ کروڑ 27 لکھ آن گدرینگانے وخت اس کہ مچ آ ملک اٹی دین انا سوب آن داتم اسکان 2 لکھ 63 ہزار 6 سد آن زیات بندغ زوال کرینو۔ امریکہ ٹی کورونا دین انا ناجوڑ آتا کچ 12777174اسکان سرمسنے۔ امریکی محکمہ جان جوڑی نا رداٹ ملک اٹی کورونا دین انا فعال زہمی تا کچ 4964547ءِ وخت اس کہ دا ہلوک آ دین آن داتم اسکان 263687 بندغ زوال کرینو۔ بھارت اٹی ہلوک آ کورونا دین زہمی تا کچ 91 لکھ 77 ہزار آن زیات ءِ۔ تدوک آ 24 گھنٹہ ٹی ملک اٹی کورونا دین انا 44059پوسکن ءُ کیس رپورٹ مسنے۔ کمامدارآتا پاننگ ءِ کہ داٹی مچ آ ملک اٹی کورونا دین آن پین 511 بندغ زوال کرینو۔ کورونا دین انا ناجوڑ آتا اعتبار اٹ بھارت دنیا نا ارٹ میکو غٹ آن بھلا زہمی ملک ءِ، ملک انا چندی ریاست آتیٹی کورونا دین آن زہمی بندغ آتا جم کچ 9177722ءِ وخت اس کہ بھارتی وزارت جان جوڑی نا حساب وکتاب نا رداٹ مچ آملک اٹی کورونا دین انا فعال کیس آتا کچ 439893ءِ۔ کمامدارآتارداٹ بھارت اٹی کورونا دین آن داتم اسکان جم وڑاٹ 134254بندغ زوال کرینو۔ داکان بیدس لاطینی امریکی ملک برازیل اٹی ہلوک آ کورونا دین آن زہمی بندغ آتا کچ 60 لکھ 88 ہزار آن ودانے وخت اس کہ مچ آ ملک اٹی کورونا دین آن داتم اسکان اسہ لکھ 69 ہزار آن زیات بندغ زوال کرینو۔ برازیل اٹی تدوک آ 24 گھنٹہ ٹی کورونا دین انا 16207 پوسکن ءُ کیس مون آ بسنے ہراڑآن پک ناجوڑ آتا کچ 6088004مسنے۔ برازیل اٹی داوخت آ کورونا دین انا 473368فعال ناجوڑ ءُ۔ برازیل نا وزارت جان جوڑی نا حساب وکتاب نا رداٹ ملک اٹی تدوک آ 24 گھنٹہ ٹی کورونا دین آن پین 302 بندغ زوال کرینو۔ کمامدارآتا رداٹ ملک اٹی کورونا دین آن زوال کروک آتا پک کچ 169541ءِ۔ ہمیڑے فرانس اٹی کورونا دین آن زہمی بندغ آتا کچ 21 لکھ 44 ہزار آن زیات مس۔ ملک اٹی داتم اسکان ہلوک آ دین آن 49 ہزار بندغ زوال کرینو۔ ملک اٹی کورونا دین آن داتم اسکان 2144660 بندغ زہمی مسنو۔ کمامدارآتا رداٹ فرانس نا چندی ہسپتال آتیٹی کورونا دین آن زہمی پین 500 بندغ دم تسر۔ فرانس اٹی داوخت آ کورونا دین انا فعال ناجوڑ آتا کچ 1942836ءِ ۔ کمامدارآتارداٹ تدوک آ دے ملک انا چندی علاقہ غاتیٹی کورونا دین انا 4452 پوسکن ءُ کیس مون آ بسنے۔ فرانس اٹی کورونا دین آن داتم اسکان جم وڑاٹ 49232 بندغ زوال کرینو۔
