لندن ۔09مارچ( اے پی پی) برطانوی جان ءُ سلامتی ءِ زانتکار ءِ گشگ اِنت کہ روزانہ پنچ وھدءِ نماز مذہب اسلام ءِ تہا فرض اِنت کہ اے جان ءُ سلامتی ءِ ھاترءَ پاھدگ مند اِنت۔ برطانیہ ءِ برمنگھم یونیورسٹی، امریکہ ءِ مینیسو ٹا یونیورسٹی ءُ پین اسٹیٹ یونیورسٹی ءِ یک جائی پٹءُ پول ءِ وھدءَ اے گپ دیم ءَ اَتکگ کہ اگاں پنچ وھد ءِ نماز ءَ را وتی عادت جوڑ بہ کن اَنت ءُ راستیں وڑءَ نما ز وانگ بہ بیت گڈا اے سرین ءِ دردءِ ھلاس کنگ ءَ پاھدگ مند اِنت ۔ کواساں گشتگ کہ بازیں طبی رپورٹس آں چہ اے پدر بوتگ کہ نماز ءَ چہ ترز زند جوان بیت ءُ جان ءُ سلامت بیت۔ آئی ءَ ھا ل داتگ کہ نماز جسمانی نادراھی ءُ تکانسری ءَ ھلاس کنت۔ تجروبتاں چہ پدر بوتگ کہ نمازءِ وھدءَ رکوع ءُ سجدہ ءِ وھدءَ سرین سُرپُر اے وڑءَ بیت کہ ایشی ءَ چہ سرین ءِ درد ھلاسی ءَ چہ کمک رسیت۔ بدن ءِ سُرءُ پُر یوگا یا فریکل تھراپی ءِ وڑءَ بیت۔ ایشی ءَ ابید نماز ءِ ارکان آں شریں وڈءَ ادا نہ کنگ راستی ءَ دردءِ تہا گیشی کنگءِ سوب بیت۔
