سیئول۔ 20 نومبر (اے پی پی) اقوام متحدہ نا جنرل اسمبلی انسانی حق انا لتاڑتیا قطبی کوریا نا برخلاف مذمت نا قرارداد ءِ منظور کرینے۔ قرارداد اٹی قطبی کوریا ٹی انسانی حق انا لتاڑ تیا جہانی برادری نا گڑتی نا درشانی ءِ کرسا ہیت آ زور شاغنگانے کہ قطبی کوریا درملکی شاری تا برمتہ نا باندات ءِ ایسر کے۔ جاپان، یورپی یونین، امریکہ و ایلوفتا کنڈآن پیش کروک دا قرارداد ءِ جنرل اسمبلی ٹی مروک آ رائے شماری ٹی زبردست مخ تفی دوئی مسنے۔ قرارداد اٹی قطبی کوریا ٹی و اونا کمک اٹ انسانی حق انا دیرینہ مد آن چلینگسا بروک آ منظم و بھلو کچ اسے آ بھلا خلاف ورزی تا سخت لوز آتیٹی مذمت ءِ کننگانے۔ اقوام متحدہ ٹی قطبی کوریا نا سفیر کم سونگ دا قرارداد آ تنقید کرسا اودے اسہ سیاسی سازش اس گوندسا پارینے کہ دانا انسانی حق انا مون آ دننگ و رکھ اتون ہچ ءُ تعلق اس اف۔ یات سلے کہ داوڑنا قرارداد ءِ پدریسہ 16 سال آن منظور کننگ انگ ءِ۔
