واشنگٹن، پیرس،نئی دہلی، ریوڈی جنیرو۔ 19 نومبر (اے پی پی) مچ آ دنیا ٹی کورونا دین انا زہمی بندغ آتا کچ 5 کروڑ 65 لکھ اسکان سرمس، دا ہلوک آ دین انا سوب آن داتم اسکان 13 لکھ 54 ہزار آن زیات بندغ زوال کرینو۔ پنچ شنبے نادے آ امریکی میڈیا نا رداٹ دنیا نا چندی ملک آتیٹی کورونا نا پک زہمی تا کچ 56563917ءِ، دین آن زہمی ملک آتیٹی داتم اسکان 1354808 بندغ زوال کرینو۔ مچ آ دنیا ٹی کورونا نا فعال زہمی تا کچ 15856767ءِ، کورونا نا دین آن امریکہ غٹ آن زیات زہمی مسنے۔ برازیل کورونا دین آن مروک آ زوال کروک آتا کچ انا لحاظ اٹ ارٹ میکو و ناجوڑ آتا بابت مسٹ میکو نمبر آٹے وخت اس کہ بھارت کورونا نا ناجوڑ آتا کچ انا اعتبار اٹ ارٹ میکو و زوال کروک آتا حساب وکتاب اٹ مسٹ میکو شدید زہمی ملک ءِ۔ امریکہ ٹی کورونا دین آن زہمی بندغ آتا کچ اسہ کروڑ 18 لکھ آن گدرینگانے وخت اس کہ مچ آ ملک اٹی دین انا سوب داتم اسکان 2 لکھ 56 ہزار آن زیات بندغ زوال کرینو۔ ملک اٹی کورونا دین انا ناجوڑ آتا کچ 11873727اسکان سرمسنے۔ امریکی محکمہ جان جوڑی نا رداٹ ملک اٹی کورونا دین انا فعال زہمی تا کچ 4450477 ءِ وخت اس کہ دا ہلوک آ دین آن داتم اسکان 256254بندغ زوال کرینو۔ بھارت اٹی ہلوک آ کورونا دین انا زہمی تا کچ 89 لکھ 58 ہزار آن گدرینگانے۔ تدوک آ 24 گھنٹہ ٹی ملک اٹی کورونا دین انا 38617 پوسکن ءُ کیس رپورٹ مسنے۔ کمامدارآتا پاننگ ءِ کہ داٹی مچ آ ملک اٹی کورونا آن پین 474 بندغ زوال کرینو۔ بھارت نا چندی ریاست آتیٹی کورونا دین آن زہمی بندغ آتا جم کچ 8958483ءِ وخت اس کہ بھارتی وزارت جان جوڑی نا حساب وکتاب نا رداٹ مچ آ ملک اٹی کورونا دین انا فعال کیس آتا کچ 443263ءِ۔ سرکاری حساب وکتاب نا رداٹ بھارت اٹی جم وڑاٹ کورونا دین آن زہمی 8383602 بندغ دراخ جوڑ مسنو۔ بھارت اٹی کورونا دین آن داتم اسکان جم وڑاٹ 131618 بندغ زوال کرینو۔ لاطینی امریکی ملک برازیل اٹی ہلوک آ کورونا دین آن زہمی بندغ آتا کچ 59لکھ 47 ہزار آن ودانے وخت اس کہ مچ آ ملک اٹی دین آن داتم اسکان اسہ لکھ 67 ہزار آن زیات بندغ زوال کرینو۔ برازیل اٹی تدوک آ 24 گھنٹہ ٹی کورونا دین انا 34091 پوسکن ءُ کیس مون آ بسنے ہراڑآن پک ناجوڑ آتا کچ 5947403 مسنے۔ برازیل اٹی دا وخت آ کورونا دین انا 390043 فعال ناجوڑ ءُ۔ برازیل نا وزارت جان جوڑی نا حساب وکتاب نا رداٹ ملک اٹی تدوک آ 24 گھنٹہ ٹی کورونا دین آن پین 756 بندغ زوال کرینو۔ کمامدارآتا رداٹ ملک اٹی کورونا دین آن زوال کروک آتا پک کچ 167497 ءِ۔ فرانس اٹی کورونا دین آن زہمی بندغ آتا کچ 20 لکھ 65 ہزار مس، ملک اٹی داتم اسکان ہلوک آ دین آن 46 ہزار 698 بندغ زوال کرینو۔ ملک اٹی کورونا دین آن داتم اسکان 2065138 بندغ زہمی مسنو۔ کمامدارآتارداٹ فرانس نا چندی ہسپتال آتیٹی کورونا دین آن زہمی پین 425 بندغ زوال کرینو۔ فرانس اٹی کورونا دین آن داتم اسکان جم وڑاٹ 46698 بندغ زوال کرینو۔

متعلقہ مضامینمصنف کی طرف سے مزید