واشنگٹن۔ 12 نومبر (اے پی پی) امریکہ ٹی کورونا دین آن زہمی بندغ آتا کچ اسہ کروڑ 7 لکھ آن گدرینگانے وخت اس کہ دین انا سوب داتم اسکان 2 لکھ 47 ہزار آن زیات بندغ زوال کرینو۔ پنچ شنبے نادے آ امریکی میڈیا نا رداٹ ملک اٹی کورونا دین انا ناجوڑ آتا کچ 10708630 اسکان سرمسنے۔ امریکی محکمہ جان جوڑی نا رداٹ ملک اٹی کورونا دین انا فعال زہمی تا کچ 3812554 ءِ وخت اس کہ دا ہلوک آ دین آن داتم اسکان 247397 بندغ زوال کرینو۔ مچ آ امریکہ ٹی کورونا دین انا کیس آتا کچ اٹی ودکی مننگ ءِ۔ کمامدارآتارداٹ ملک اٹی داتم اسکان کورونا دین آن زہمی 6648679 بندغ دراخ جوڑ مسنو۔ داہیت ذکر انا قابل ءِ کہ مچ آ دنیا ٹی امریکہ کورونا دین آن غٹ آن زیات زہمی ملک ءِ۔ امریکہ ٹی کورونا دین انا اولیکو کیس انا تشخیص داسال 22 جنوری آ مسوسس۔
