مکہ۔ 12 نومبر (اے پی پی) سعودی وزارت حج و عمرہ پارینے کہ پیشن نا ملک آتیان بروک آ زائر آتے اسہ سفر اٹی اسٹ آن زیات عمرہ نا موکل مسہ شڑت آتیا تننگک۔ سعودی اخبار نا رداٹ وزارت حج و عمرہ نا پاننگ ءِ کہ پیشن نا ملک آن زائر آتے اسہ زیات عمرہ اس کننگ نا شڑتی موکل مریک۔ اولیکو شڑت دادے کہ عمرہ زائر نا پدی بننگ نا پروگرام ایلو عمرہ نا سوب آن زہمی مف۔ عمرہ کمپنی نا تعلقدار انچارج تون یکجہتی ودی کرسا پدی ہِننگ نا ریزرویشن ءِ کنفرم کرفنگے۔ ارٹ میکو شڑت دادے کہ عمرہ زائر ہراپڑک تون بسنے ارٹ میکو عمرہ نا درخاست دا پڑک نا کنڈآن مرے انفرادی درخواست ءِ منپننگک۔ متعمرین آتے فیلڈ سروس فراوان کروک آ کمپنی’’اعتمرناایپ‘ نا کمک اٹ عمرہ موکل نامہ جاری کرفے۔ یات سلے کہ پیشن نا ملک آن بروک آزائر ءِ اسہ سفر اٹی بیرہ اسہ وار عمرہ نا موکل تننگ انگ ءِ ارٹمیکو وار عمرہ کننگ کن شڑت آتے پورو کروئی مریک۔
