اسلام آباد۔ 02 نومبر (اے پی پی) جہانی ادارہ جان جوڑی (ڈبلیو ایچ او) وضاحت کرینے کہ ڈائریکٹر جنرل جہانی ادارہ جان جوڑی ڈاکٹر ٹیڈروس ایدھانوم جبرائے نا کورونا دین ٹیسٹ مثبت بننگ نا حوال آتیٹی ہچ ءُ راستکی اس اف۔ راجی رابطہ نا ویب سائٹ ٹویٹر آ جہانی ادارہ جان جوڑی وضاحت کرے کہ دا رداٹ حوال آتیٹی ہچ ءُ راستکی اس اف بلکن ڈاکٹر ٹیڈ رس کورونا دین انا ناجوڑ اسے تون رابطہ مننگ نا سوب آن او حفظ ماتقدم تینے قرنطینہ کرینے۔ داکان بیدس جہانی ادارہ نا سروک ڈاکٹر ٹیڈرس ہم تینا ٹویٹ اٹی پارینے کہ کنا ٹیسٹ پازیٹیو بتنے بلکن کنا رابطہ مثبت کیس والا ناجوڑ اسے تون مسوسس ہراڑآ ای تینے قرنطینہ کرینٹ۔ اومستی پارے کہ کنے ٹی کورونا نا ہچ ءُ علامت اس اف۔ بیرہ حفظ ماتقدم قرنطینہ ٹی اُٹ و بالکل سہی اُٹ۔
