انقرہ۔ 02 نومبر (اے پی پی) ترکی ٹی زمی جمب آن مرک آتا کچ ودسا 81 مسنے۔ برطانوی خبررساں ادارہ نا رداٹ ترک کمامدارآک دوشنبے نادے آ پاریر کہ کرکی شار ازمیر اٹی 6.9 درجہ نا شدت نا زمی جمب انا سوب آن ازمیر شار اٹی تموک آ 8ماڑی تیٹی کمکی کارروائیک چارمیکو دے آ ہم برجائسر اوکان پد مرک آتا کچ 79 آن ودسا 81 مسنے ہرافتے ٹی 79 بندغ ازمیر و 2 چنایونان نا جزیرہ ساموس اٹی زوال کرینو وخت اس کہ زمی جمب آن ٹھپی مروک آ 740 آن زیات بندغ آتے ڈسچارج کننگانے۔ ترکی نا ڈیزاسٹراینڈ ایمرجنسی اتھارٹی (اے ایف اے ڈی) پارے کہ کمکی کارروائی تا رداٹ زہمی تے عارضی پناہ گاہ تا فراوانی کن مسہ نیم ہزار آن زیات تمبو و 13 ہزار بستر فراوان کننگانے۔ زمی جمب انا سوب آن 962 بندغ ٹھپی مسنو۔ ترکی ٹی جمعہ نادے آ ازمیر شار اٹی بروک آ زمی جمب نا مرکز جزیرہ ساموس نا قطب دے ٹکی ٹی بحیرہ ایجیسن اٹی ئس۔
