واشنگٹن۔ 28 اکتوبر (اے پی پی) امریکی صدر ڈونلڈ ٹرمپ پارینے کہ نومبر نا صدارتی گچین کاری تیان پد کورونا دین آن زہمی بندغ آتا بحالی کن ریلیف پیکج نا منظوری نا گمان ءِ۔ برطانوی خبررساں ادارہ نا رداٹ امریکی صدر تدوک آ دے وائٹ ہاؤس اٹی صحافی تتون گپ وتران کرسا ایوان نمائندگان نا اسپیکر نینسی پیلوسی آ اسہ وار ولدا دوبہ خلک کہ او بنجائی خرچ آتا پیکج اٹ اڑنگ شاغنگ ءِ۔ اوپارے کہ گچین کاری تیان مست کورونا دین آن بحالی نا ریلیف پیج نا منظوری نا گمان آک کم ءُ ولے گچین کاری تیٹی سرسہبی آن پد نن گچین ءُ پیکج اس ایتنہ ہرانا بابت نم وخت اس ہم سجفپرورے۔
