واشنگٹن۔ 28 اکتوبر (اے پی پی) امریکہ ٹی کورونا دین آن زہمی بندغ آتا کچ 90 لکھ و مرک آک 2 لکھ 32 ہزار آن گدرینگانو۔ چارشنبے نادے آ امریکی میڈیا نا رداٹ ملک اٹی کورونا دین انا ناجوڑ آتا کچ 9038030اسکان سرمسنے۔ امریکی محکمہ جان جوڑی نا کمامدارآتارداٹ ملک اٹی کورونانا دین انا فعال زہمی تا کچ 2927982ءِ وخت اس کہ دا ہلوک آ دین آن مچ آ ملک اٹی داتم اسکان 232084بندغ زوال کرینو۔ کمامدارآتارداٹ مچ آ امریکہ ٹی کورونا نا کیس آتا کچ اٹی ودکی مننگ ءِ۔ کمامدارآتارداٹ ملک اٹی داتم اسکان کورونا دین آن زہمی 58لکھ 77 ہزار بندغ دراخ جوڑ مسنو۔ دا ہیت ذکر انا قابل ءِ کہ مچ آ دنیا ٹی امریکہ کورونا دین آن غٹ آن زیات زہمی ملک ءِ۔ امریکہ ٹی کورونا دین انا اولیکو کیس انا تشخیص داسال 22 جنوری آ مسوسس۔
