جنیوا۔24اکتوبر (اے پی پی): جان ءُ سلامتی ءِ میاں استمانی ادارگ ءَ درائیں ملک آن سرءَ زور پِر داتگ کہ کوویڈ۔19 ءِ گرءُ دار ءِ ھاترءَ زوت گامگیج کنگ بہ بیت۔ میاں اوستمانی ادارگ ءِ ڈائریکٹر جنرل ٹیڈروس ایڈاہانوم گیبریسس ءَ میڈیا شونست ءِ وہد ءَگشتگ کہ اے وہد ءَ دنیا ہوپ ءَ پتاتگ، آئوکیں لھتیں ماہ سک گران بوت کناں ءُ بیران بوت کنت، جانءُ سلامتی ءِ ازمت گیش کنگ بہ بنت تنکہ وانگ جاہ یک رندے پدا بند کنگ ءِ ضلورت مابیت۔ آئی ءَ لھتیں ملک آں گیش بوتگیں کیس آنی سرءَ تکانسری ءِ درشانی کتگءُ گشتگ کہ اے ملک آں طبی ادارگ جیڑہ ءُ جنجالانی آماچ بنت۔ ٹیڈروس ءَ گیش گشتگ کہ ٹیسٹنگ ءِ گہتری، نادراہ آنی پجار ءُ آئیسولیشن ءَ چہ لاک ڈاؤن وڑیں گامگیجاں چہ رکینگ بنت۔
