لاہور۔ 07 مارچ (اے پی پی) کوئٹہ گلیڈی ایٹر نا کوچ و دنیائے کرکٹ نا پنی مسکوہی کرکٹر ویوین رچرڈز لاہور آ دبئی آ رادہ مس۔ ویوین رچرڈز ئِ سخت سیکورٹی ٹی ہوٹل آن بالی پٹ آ سرکننگا ہراکان او دبئی کن رادہ مس۔ درملکی گوازی گرتیٹی ڈیوڈ میلان و کرس جارڈن ، مارلن سیموئیل، کرس جورڈن و انعام الحق مست آن ہی پاکستان آن تینا تینا ملک آتیا ہناسر۔ ویوین رچرڈ نا ٹیم کوئٹہ گلیڈی ایٹر پی ایس ایل ٹورنامنٹ اٹی رنراپ مسوسس۔ کوئٹہ گلیڈی ایٹر نا ٹیم داوخت اسکان مروک آ پی ایس ایل نا ہڑتوم آ ایڈیشن نا فائنل اٹی سرمس و بدقسمتی اٹ ہڑتوم آ وار اودے فائنل اٹی باتننگ تون مون تروئی تما، ویوین رچرڈ ز پاکستان اٹی اڈ کننگ اٹی چندی کرکٹر و پی سی بی نا عہدیدار آتون اوڑدہی ہم کرے و گولف ہم گوازی کرے۔
