اسلام آباد۔ 06 اکتوبر (اے پی پی) پاک بحریہ و جاپانی میری ٹائم سیلف ڈیفنس فورس انا نیام اٹ اسیجائی بحری مشق بناکرے۔ بحری مشق اٹ پاک بحریہ نا جہاز پی این ایس ذوالفقار و جاپانی جہاز ’’اونامی‘‘ شریک ءُ۔ مشق اٹی چندی بحری آپریشن اڈتننگک۔ ترجمان پاک بحریہ نا رداٹ دا بحری مشق سمندری رکھ و علاقائی امن و سوگوی کن پاک بحریہ نا عزم انا عکاسی ءِ کیک۔ دا مشق انا مسخت ہڑتوم آ ملک آتا بحری فوج انا نیام اٹ تعلقداری و آپریشن تے پین مون آ دننگ نا ءِ۔
