کوالالمپور۔ 06 اکتوبر (اے پی پی) ملائیشیا نا وزیراعظم محی الدین یاسین ملک اٹ کورونا دین انا کیس آتیٹی ودکی نا سوب آن سمارٹ لاک ڈاؤن خلنگ نا پڑو ءِ کرینے۔ میڈیا نا رداٹ او تینا ہنکین آن سوشل میڈیا ویب سائٹ فیس بک آ براہ راست قوم آن تران اٹی پارے کہ داوخت آ نن ملک اٹی پورو ڈاؤن نا نافذ کننگ نا جاگہ غا سمارٹ لاک ڈاؤن نا بارواٹ سجفنگ ءِ، ہراٹی بیرہ کورونا دین آن غٹ آن زیات زہمی ہند آک اوار مریرہ انتئے کہ اگہ نن دُوارہ ملک اٹ پورو لاک ڈاؤن نافذ کرین تو داڑآن ننا زرگزران و راجی نظام ءِ بھاز نسخان رسینگک۔ یات سلے کہ ملائیشیا ٹی کورونا دین انا اسہ دے اٹی 961 پوسکن ءُ کیس رپورٹ مس و پین 4 بندغ زند آن دوتے سلانو۔
