بماکو۔ 06مارچ (اے پی پی) افریقی ملک برکینا فاسو نا سیم اتون متصل مالی نا فوجی چوکی آ دہشت گرد جلہو اٹی کم از کم 11فوجی تپاخت کریر۔ دوشنبے نا دے مالی نا محکمہ دفاع نا ترجمان پارے کہ داوخت اسکان اسہ دہشت گرد رڑاس ہم دا جلہو نا زمواری ئِ امنا کتنے ولے ساڑی ہی ٹی فوج آ کروک آ جلہو آتے ہرسا دا ہیت انا پورو گمان ئِ کہ دا جلہو ناپد اٹ ہم القاعدہ یا تعلقدار تنظیم تاہی دوئِ۔ دفاعی ترجمان کرنل سدیبے پارے کہ بلقیسی ٹی واقع فوج انا چوکی آ سہب انا چار بجہ غان پنچ بجہ نا نیام اٹ دہشت گرد آک جلہو کریر و ننا فوج دہشت گرد آتا جوان مردی اٹ مقابلہ ئِ کرے ، دہشت گرد آک پسپائی آن پد پدی سیم پار آ ہنار۔
