کابل۔04مارچ ( اے پی پی) اوگانستان ءِ نائب وزیر دود ءُُ ربیدگءُُ اطلاعات ءَ گشتگ انت کہ اسلامی جمہوریہ ایران ءُُ اوگانستان ءِ نیام ءَ دود ءُُ ربیدگی جاہ جوڑ کنگ ءِ سلسلہ ءَ کمک ءِ معاہدہ ءِ سرا دستخط کنگ بیت۔ اوگانستان ءِ نائب وزیر دود ءُُ ربیدگ ءُُ اطلاعات کمال سادات ءَ کابل ءَ گشتگ کہ ایران ءِ مشہد ءُُ اوگانستان ءِ ہرات شہر آں دود ءُُ ربیدگی جاہ جوڑ کنگ بیت۔ سادات ءَ گشتگ کہ ماں اوگان وزارت خارجہ ءِ ذریعہ ءَ دومی ملک آں گوں دود ءُُ ربیدگی سیادی ءِ ھوالہ ءَ یکجا مفاہمت ءِ سمجھوتہ آنی سرا دستخط کن انت۔ آئی ءَ دوئیں ملک آنی نیام ءَ دیریں دود ءُُ ربیدگی سیادی ءِ ھوالہ دئیگ ءَ گشتگ کہ دیریں دود ءُُ ربیدگی سیادی ءَ دِگہ زیات کنگءِ ھاتر ءَ اے جاہ جوڑ کنگ باز المی انت۔
