کابل۔ 04مارچ ( اے پی پی)اوگانستانءِ سیکورٹی فورسز ءَ جنوبی صوبہ زابل ءُُ ننگر ہار ءَ داعش ءِ 23جنگجو آں کشگ ءِ دعویٰ کرتگ انت، قندہار ءَ ناشناسیں سلاہ بندیں مردم ءِ اُرش ءَ اوگان باسک پارلیمان ٹپی بوتگ۔ اوگان میڈیا ءِ ردا کابل ءَ وزارت دفاع ءِ نیمگ ءَ برجاہ بوؤکیں یک بیانءَ گشتگ انت کہ زابل ءُُ ننگر ہار ءَ سیکورٹی فورسز ءَ لہتیں کارروائی ءَ شدت پسند تنظیم داعش ءِ 23باسک آں کشتگ انت۔ آھا ن ءَ 17جنگجو زابل ءِ ضلع ارغنداب ءَ بیران بوت انت۔ اے ھوالہ ءَ دِگہ تفصیل نہ دات انت۔ قندہار ءَ ناشناسیں سلاہ بندیں مردمءِ اُرش ءَ اوگان باسک پارلیمان ٹپی بوتگ۔ حکام ءِ ردا گوستگیں روچ 10می پولیس ڈسٹرکٹ ءَ ناشناسیں مردم ءَ باسک پارلیمان میر ولی ءِ سرا تیر کاری کرت انت آئی ءِ آسر ءَ آ ٹپی بوتگ۔ میر ولی ہلمند ءَ پارلیمان ءِ باسک انت۔ تنے وھدے یک تنظیم یا گروپ ءَ اے اُرش ءِ ذمہ واری قبول نہ کرتگ انت۔
