تہران۔ 15 ستمبر (اے پی پی) ایران نیشنل آئل کمپنی 2019ء ٹی آئل و گیس انا کچ انا خننگ نا بشخ اٹی 4.973 بلین بیرل مائع ہائیڈروکاربن نا خننگ آن قومی و جہانی تیل کمپنی تیٹی اولیکو پوزیشن ءِ تینا پن آ کرینے۔ داخیال آتا درشانی ءِ نیشنل آئل کمپنی نا ڈائریکٹر دریافت نا امور سید صالح ہندی دا کمپنی نا ڈائریکٹر منیجنگ مسعود کرباسیان نا پن اٹ اسہ چھٹی اسے ٹی کرے۔ اومستی پارے کہ ووڈمیکنزی انٹرنیشنل انسٹی ٹیوٹ نا رداٹ نیشنل ایرانی آئل کمپنی 2019ء ٹی دنیا ٹی ہائیڈرو کاربن نا وسیلہ غاتا خننگ نا بابت اولیکو پوزیشن ءِ ہلکونے۔ جہانی ایکسپلوریشن 2019ء فائدہ غاتا تسلسل نا سرحال آن ووڈ میکنزی انٹرنیشنل انسٹی ٹیوٹ نا اسہ رپورٹ اسے نا رداٹ ایران نیشنل آئل کمپنی 2019ء ٹی آئل و گیس انا حجم نا دریافت نا بشخ اٹی 4.973 بلین بیرل مائع ہائیڈروکاربن نا خننگ آن قومی و جہانی تیل کمپنی تیٹی اولیکو پوزیشن ءِ تینا پن آ کرینے ہرا 2019ء ٹی دنیا ٹی مروک آ ہائیڈرو کاربن نا کل کچ انا 31 درسد نا بریبر ءِ۔
