اقتصادی استحکام ءَ چہ پائیدار دیمروئی ءِ نیمگ ءَ سفر، مالی سال 2026-27 ءَ 4درسد دیمروئی ءِ شرح ءِ ٹارگٹ، ’’اُدان پاکستان‘‘ ءِ چیر دستی ءَ اصلاحات ءَ را گیش ترند گام کنگ، احسن اقبال

اسلام آباد۔30جولائی  (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ استیں جھان ءِ جاور ھال، جیوپولیٹکل کشیدگی، جھان ءِ توان ءِ پھجارینگ ءِ تہ ءَ رکاوٹ ءُ تیل ءِ نرخ آنی تہ ءَ ردوم ءِ باوجود پاکستان وتی اقتصادی استحکام ءِ سفر ءَ را گیش مھکم کنگ ءِ واستہ جزم اِنت۔ حکومت ءِ اولی ترجی ایش انت کہ ہر تک ءُ پھنات ءَ مشکلیں کٹائی ءِ وسیلگ ءَ چہ دست کپتگیں اقتصادی استحکام ءَ را برجم دارگ ءُ ایشی ءَ را پائیدار دیمروئی، سرمایہ کاری، روزگار ءُ السی وشحالی ءَ را بدل کنگ بہ بیت۔ وزارت منصوبہ بندی ءِ جولائی 2026 ءِ ماہانہ پیشرفت رپورٹ ءِ بندات ءُ نوکیں مالی سال 2026-27 ءِ مول ءُ مراد ءُ حکمت عملی ءِ بندات ءِ ھوالگ ءَ مدینہ ءَ گوں تران کنان ءَ احسن اقبال ءَ گوشت کہ استیں اقتصادی استحکام ءِ اثر السی قربانی، مالیاتی کٹائی ءِ گہتری ءِ آسر اِنت۔ آئی ءَ گوشت کہ ’’اُدان پاکستان‘‘ ءِ چیر دستی ءَ اقتصادی برجائی ءَ را مشترکہ وشھالی ءِ تہ ءَ بدل کنگ ءِ رفتار ءَ را گیش ترند گام کنگ بیت۔ وفاقی وزیر ءَ گوشت کہ مالی سال 2025-26 ءَ پاکستان ءِ معیشت ءَ مھکمیں وشھالی ءِ درشان کتگ ءُ دیمروئی ءِ شرح 3.2درسد ءَ چہ 3.7درسد ءَ سر بوتگ۔ آئی ءَ گوشت کہ کشت ءُ کشاری شوبگ ءِ تہ ءَ 2.9درسد، صنعتی شوبگ ءِ تہ ءَ 3.5درسد، وھدیکہ ازمت ءِ شوبگ ءِ تہ ءَ 4.1درسد، ایشی ءَ چہ سرجمیں اقتصادی چست ءُ ایر آنی تہ ءَ مزنیں گہتری یے اتکگ۔ آئی ءِ رد ءَ مزنیں کساس ءَ مینوفیکچرنگ ءِ شوبگ ءَ جولائی ءَ چہ مئی ءَ تاں 5.8درسد ءِ گیشی بوتگ وھدیکہ صنعتی شوبگ ءَ گوستگیں سال ءِ منفی 1.1درسد ءِ گیشی ءِ مقابلہ ءَ مزنیں وشھالی ءِ درشان کتگ۔ آئی ءَ گوشت کہ 22 شوبگ آنی تہ ءَ 16 مزنیں صنعتی شوبگ آنی تہ ءَ جوانیں دیمروئی ءِ درشان بوتگ، وھدیکہ آٹوموبائل ءِ صنعت ءَ 58.8درسد ءِ غیر معمولی دیمروئی ریکارڈ کتگ۔ احسن اقبال ءَ گوشت کہ جھان ءِ نرخ آنی دباؤ ءِ باوجود افراط زر ءِ شرح ٹھینگ بوتگیں ٹارگٹ ءَ چہ کم بوتگ وھدیکہ زرّ ءِ دیم دیگ 8.6درسد ءَ چہ 38.3ارب ڈالر ءَ چہ 41.6ارب ڈالر ءَ سر بوتگ، ایشی ءَ چہ نہ ایوک ءَ لاکھوں ھاندان آناں کمک رستگ بلکیں ملک ءِ نازرکیں اقتصادی جاور ھم مھکم بوتگ اَنت۔ آئی ءَ گوشت کہ سامان ءُ ازمت آنی کلیں برآمدات 40ارب ڈالر ءَ سر بوتگ، وھدیکہ ازمت آنی شوبگ ءِ برآمدات ءِ تہ ءَ 18.7درسد گیشی بوتگ ءُ ایشی ءِ کساس 10ارب ڈالر ءَ سر بوتگ۔ آئی ءَ گوشت کہ جھان ءِ اقتصادی جاور ھال ءُ درآمدات ءِ تہ ءَ گیشی ءِ باوجود کرنٹ اکاؤنٹ ءِ خسارہ ایوک ءَ 139ملین ڈالر ءَ تاں محدود بوتگ کہ اے مالیاتی شوبگ ءَ مھکمیں مالیاتی نظم و ضبط ءِ درشان اِنت۔ آئی ءَ گوشت کہ میاں اوستمانی ادارگ آنی نیمگ ءَ پاکستان ءِ اقتصادی اصلاحات، ادارگی برجائی ءُ زرّ ءِ ذخیرہ آنی تہ ءَ گہتری ءِ ھم منگ بوتگ۔ آئی ءِ رد ءَ حکومت نوں اقتصادی استحکام ءَ را پائیدار دیمروئی، سرمایہ کاری، برآمدات ءُ روزگار ءِ تہ ءَ بدل کنگ ءِ سر ءَ دلگوشی دیگ ءَ اِنت۔ وفاقی وزیر ءَ گوشت کہ مالی سال 2026-27ءِ واستہ دیمروئی ءِ شرح ءِ ٹارگٹ 4درسد اِنت ءُ اے ٹارگٹ ءِ سرجمی ءِ وھد ءَ گوستگیں خسارہ ءُ عدم توازن ءَ چہ ہر قیمت ءَ چہ بچگ لوٹ ایت۔ آئی ءَ گوشت کہ آیوکیں وھد ءَ اقتصادی دیمروئی ءِ واستہ پیداواری گنجائش، برآمدات، سرمایہ کاری، نوکیں ٹیکنالوجی ءُ جندی شوبگ ءِ برجائیں کرد ءِ سر ءَ بندوک بیت۔ آئی ءَ گوشت کہ حکومت طاقت خریداری ءِ رکھینگ، گریبی ءِ کم کنگ، نزوریں تک ءِ کمک، نوکیں روزگار ءِ موہ پیداک کنگ ءُ ورنا آناں شریں روزگار ءُ کاروباری موہ پجارینگ ءَ را اولی ترجی دیگ ءَ اِنت۔ احسن اقبال ءَ گوشت کہ حکومت اوگرا ءِ داتگیں رہبند آنی سر ءَ سک باز عمل کنت ءُ جعلی نوٹیفکیشن، ناجائزیں منافع ءِ زورگ، ذخیرہ کنگ، کرایہ ءُ بار ءِ شرح ءِ تہ ءَ بے جاہ ءَ گیشی ءِ ھلاپ ءَ کارروائی کنگ بیت، وھدیکہ پٹرولیم ءِ چیز آنی بے رکاوٹیں سپلائی ءَ را ھم دل یکیمی کنگ بیت۔ آئی ءَ اے گپ پدر کت کہ پٹرولیم ءِ چیز آنی نرخ آنی تہ ءَ ردوم ءِ گوں جھان ءِ مارکیٹ ءَ راجی نرخ آناں سیادی داریت ءُ جھان ءِ نھاد آنی تہ ءَ کمی ءِ وھد ءَ ایشی ءِ نپ الس ءَ را سر بیت۔ وفاقی وزیر ءَ گوشت کہ ایف بی آر ءِ آمدنی 11.7کرب ءَ چہ 13کرب ءَ سر بوتگ وھدیکہ آیوکیں مالی سال ءِ واستہ 15.2کرب ءَ چہ گیش ءِ ٹارگٹ ایر کنگ بوتگ۔ آئی ءَ گوشت کہ ٹیکس اصلاحات ءَ راجی ھزانگ ءِ مھکم کنگ ءَ مزنیں کرد ءِ پیلو کتگ۔ دیمروئی منصوبگ آنی بابت ءَ گپ ءُ تران کنان ءَ احسن اقبال ءَ گوشت کہ مالی سال 2025-26ءِ تہ ءَ سی ڈی ڈبلیو پی کے ءِ 21دیوان آنی تہ ءَ 330 اسٹریٹجک ایجنڈا ءِ سر ءَ چار ءُ تپاسی کنگ بوتگ ایشی ءِ تہ ءَ 192 منصوبگ بوتگ وھدیکہ 96منصوبگ گڈی منظوری ءِ واستہ ای سی این ای سی ءَ را روان دیگ بوتگ۔ جون 2026 ءَ برجم دارگ بوؤکیں سئے دیوان آنی تہ ءَ 72 ایجنڈا ءِ سر ءَ چار ءُ تپاسی کنگ بیت ایشی ءِ تہ ءَ 49 شور ءُ مشور  منظور کنگ بوتگ ءُ 21 ای سی این سی ءَ را روان دیگ بوتگ۔ آئی ءَ گوشت کہ منظور بوتگیں دیمروئی منصوبگ آنی تہ ءَ نزیک ءَ 289ہزار براہ راست ءُ 424ہزار بالواسطہ روزگار ءِ موہ پیداک بنت، وھدیکہ منصوبگ آنی اقتصادی ءُ مالی جائزہ ءِ وسیلگ ءَ راجی خزانہ ءَ را 10کروڑ کلدار ءِ ھم بچت بیت۔ 12.6 ارب ءِ سرا بوتگ۔ آئی ءَ گوشت کہ اسلام آباد ءِ اسمارٹ سٹی ماڈل، شہری شمولیت ءُ گہتریں بنجاہی حکومتی نظام ءِ سر ءَ یک ماڈل ءِ شور ءُ مشور  پیش کنگ بیت تانکہ سرکاری ازمت آنی پجاری ءَ را گیش موثر جوڑ کنگ بہ بیت۔ نودربر ءُ ورنا آنی ھوالگ ءَ احسن اقبال ءَ گوشت کہ یونیورسٹی آنی نصاب ءُ ڈگری پروگرام آنی سر ءَ یک سرجمیں چار ءُ تپاسی کنگ بوھگ ءَ اِنت تانکہ ہائیر ایجوکیشن ءَ را صنعتی انقلاب 4.0 ءُ 5.0 ءِ لوٹ آنی گوما یکجا کنگ بہ بیت۔ آئی ءَ گوشت کہ آیوکیں لوٹ آنی رد ءَ نوکیں ڈگری پروگرام بندات کنگ بنت، استاد آنی پیشہ وارانہ تربیت ءَ را دیم ءَ برگ بیت، وھدیکہ امریکہ ءُ پاکستان نالج کوریڈور پروگرام ءَ را دوبر چست کنگ بوھگ ءَ انت۔ آئی ءَ گوشت کہ گوستگیں روچاں امریکہ ءِ تر ءُ تاب ءِ ساھت ءَ الینوائے یونیورسٹی ءَ پاکستان ءَ وتی کیمپس جوڑ کنگ ءِ واھشت ءِ درشان کتگ۔ آئی ءِ رد ءَ امریکہ ءِ  گریجویٹس ءَ را ٹوپوگرافی، ڈیٹا ءِ مہارت، سائبر سیکورٹی، سیٹلائٹ ءُ جینوم ایڈیٹنگ ءِ پڑ ءَ مزنیں زانت ءُ سرپدی ءِ وسیلگ ءَ لیس کنگ بیت تانکہ آ جھان ءِ تک ءَ سروکیں کرد پیلو بہ کن اَنت۔ احسن اقبال ءَ گوشت کہ ’’اُدان پاکستان‘‘ ءِ چیر دستی ءَ صنعت کار، برآمد کنوک ءُ کثیر القومی کمپنی آنی گوما اصلاحات ءِ شور ءُ سلاھ بندات کنگ بوتگ ءُ حکومت کاروباری چاگرد ءَ را گیش گہتر کنگ ءِ سر ءَ دلگوشی دیگ ءَ اِنت تانکہ برآمدات ءَ را 2029ءَ تاں 63ارب ڈالر ءَ سر کنگ ءِ راجی ٹارگٹ ءَ را سر کنگ بہ بیت۔ کشت ءُ کشاری، وانگ ءُ زانگ، تجارت، ٹرانسپورٹ، موسمیاتی تابکاری، آپی وسیلگ، پٹ ءُ پول، تکنیکی کمک ءُ زانت ءِ تبادلہ ءِ وڑیں شعبہ آنی تہ ءَ ھوار انت۔ وفاقی وزیر ءَ گوشت کہ شریکداری لہتیں سال پیسر دیوالیہ بوھگ ءِ کش ءَ ات مرچی وشھالی ءُ برجائی ءِ راہ ءَ انت۔ حکومت ھما پیسلہ کنگ ءَ اِنت کہ آ دراجیں مدتی راجی مفاد ءِ تہ ءَ اَنت ءُ آ پاکستان ءَ را پائیدار اقتصادی دیمروئی، مھکمیں معیشت ءُ وشھالیں آیوکیں وھد ءِ نیمگ ءَ برگ ءَ اَنت۔