اوورسیز پاکستانی ملک ءِ ارزشتی ایں مڈی  انت، آہانی شکایتانی ڈیٹا ویژولائزیشن ءِ بابت ءَ کیو آر کوڈ ءِ وسیلگ ءَ سرپدی پیداک کنگ بہ بیت،  مزن وزیر

اسلام آباد۔30جولائی  (اے پی پی): مزن وزیر محمد شہباز شریف ءَ درملک ءَ نندوکیں پاکستانی آناں ملک ءِ ارزشتی ایں مڈی  لیکگ ءِ وھد ءَ گوشت کہ آھاں ھمک رنگ ءِ آسراتی آنی پجاری حکومت ءِ اولی ترجی اِنت، درملک ءَ نندوکیں پاکستانی آنی شکایت آنی کیو آر کوڈ ءِ وسیلگ ءَ ڈیٹا ویژولائزیشن ءِ ھوالگ ءَ سرپدی پیداک کنگ بہ بیت۔ آئی ءَ اے ھیالانی درشانی وزارت ءِ درئی کار ءِ بریفنگ ءِ ساھت ءَ درملک ءَ نندوکیں پاکستانی آنی واستہ سفارت خانہ آنی تہ ءَ آسراتی آناں گیش کنگ، دستاویزات ءِ پروسیسنگ ءِ ڈیٹا وژولائزیشن، شکایت آنی عمل ءَ را گیش آسان کنگ ءُ درملک ءَ چہ پاکستان ءَ جتا جتائیں کار ءُ ادائیگی ءِ ھوالگ ءَ بریفنگ ءِ ساھت ءَ کت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ سروکی ءَ دیوان ءَ وزارت ءِ درئی کار، جتا جتائیں ملک آنی تہ ءَ پاکستان ءِ سفیر، وزارت ءِ تہی کار، ایف آئی اے، آئی ٹی ءِ وزارت ءُ سیادی داروکیں مزن اگدہ دار آنی بھر زوری بوتگ۔ مزن وزیر ءَ گوشت کہ درملک ءَ نندوکیں پاکستانی مئے ارزشتی ایں مڈی اَنت ایشاں ھمک رنگ ءِ آسراتی پجاری حکومت ءِ اولی ترجی اِنت۔ مزن وزیر ءَ را گوشگ بوت کہ درملک ءَ نندوکیں پاکستانی آں آسراتی دیگ ءِ واستہ آر کوڈ جوڑ کنگ بوتگ ایشی ءِ تہ ءَ پاور آف اٹارنی ءُ جائیداد ءِ بھا ءُ بہا کنگ ءِ نظام ھوار اِنت ءُ دستاویز انتظامی ءِ کار ءَ را آسان کنگ ءِ واستہ جوڑ کنگ بوتگ۔ مزن وزیر ءَ گوشت کہ کیو آر کوڈ ءِ وسیلگ ءَ دگہ ملک آنی تہ ءَ نندوکیں پاکستانی آنی شکایت آنی رجسٹریشن ءِ ڈیجیٹلائزیشن ءَ را وش آتک کنگ بیت، ایشی ءَ را سفارت خانہ آنی تہ ءَ پیش کنگ بہ بیت تانکہ رسائی ءَ را گیش کنگ بہ بیت، دگہ ملک آنی تہ ءَ نندوکیں پاکستانی آنی تہ ءَ اے سسٹم ءِ وسیلگ ءَ شکایت آنی رجسٹریشن ءِ ھوالگ ءَ ھاسیں سرپدی مہم بندات کنگ بہ بیت ءُ گیش مردم اے سسٹم ءِ وسیلگ ءَ شکایت آنی رجسٹریشن ءَ بہ کن اَنت۔ مزن وزیر ءَ را گوشگ بوت کہ شہری آنی آسراتی ءِ واستہ اسلام آباد ءَ درئی کارانی کارگس ءَ انوگیں وھد ءَ شام ءِ شفٹ بندات کنگ بوتگ۔ ھمے رنگ ءَ اسلام آباد ءِ آسن خدمت مرکاز ءَ ھم دستاویز ءِ پٹ ءُ پول ءِ آسراتی بندات کنگ بوتگ۔ ایشی ءَ ابید کوریئرز ءِ وسیلگ ءَ جمع کنگ ءِ عمل ءِ بندات کنگ ءِ گوما اے نظام ءَ را ہائیر ایجوکیشن کمیشن، انٹر بورڈز کوآرڈینیشن کمیشن، نادرا ءُ نیشنل پولیس ایجنسی ءِ ڈیٹا بیس ءَ گوں ہمگرنچ کنگ بوتگ کہ ایشی ءَ چہ جمع کنگ ءِ عمل ءَ را گیش آسان کتگ۔ دیوان ءَ را ھال دیگ بوت کہ اپوسٹیل سسٹم ءِ چیر دستی ءَ تصدیق ءِ عمل یک سٹاپ ءَ سرجم بوتگ، آیوکیں بھر ءَ اے سرجمیں سسٹم ءَ را سرجمی ءَ ڈیجیٹل کنگ ءِ کار برجاہ اِنت۔ اے درگت ءَ این آئی ٹی بی ءِ کمک ءَ موبائل ای میل ءِ تصدیق کنگ بوھگ ءَ اِنت کہ ایشی ءَ چہ ڈیجیٹل سسٹم ءِ وسیلگ ءَ پیدائش / مرگ ءِ سرٹیفکیٹ، نکاح ءِ رجسٹریشن ءِ سرٹیفکیٹ، ھاندان ءِ رجسٹریشن ءِ سرٹیفکیٹ ءُ دگہ دستاویزات ءِ تصدیق کنگ بیت۔ گند ءُ نند ءَ نائب مزن وزیر ءُ درئی کارانی سینیٹر محمد اسحاق ڈار، وفاقی وزرا احد خان چیمہ، عطاء اللہ تارڑ، چوہدری سالک حسین، شزہ فاطمہ خواجہ، وزیرمملکت عون چوہدری، معاون خصوصی طارق باجوہ  ءُ سیادی داروکیں مزنیں کارندہ آں بہر زرتگ۔