وفاقی وزیر تجارت جام کمال خان ءَ گجرانوالہ ءِ کسانیں چیمبر آف کامرس ءِ ڈل ءَ گوں گند ءُ نند

اسلام آباد۔30جولائی  (اے پی پی): وفاقی وزیر برائے تجارت جام کمال خان ءَ گجرانوالہ کسانیں چیمبر آف کامرس ءِ ڈل ءَ گوں گند ءُ نند کت، ایشی ءِ تہا آہاں پاکستان ءِ کسانیں ءُ میاں اوستمانی کاروباری ادارگ آنی چیلنج، برآمدات ءِ دیمروئی، صنعتی مقابلہ، مالیات ءِ رسائی ءُ ریگولیٹری رسائی ءِ بابت ءَ ھیال ءُ لیکہ ءِ درشانی کت۔ وزارت تجارت ءِ جارکش ءِ رد ءَ وفاقی وزیر تجارت جام کمال خان ءَ گوشت کہ ایس ایم ای پاکستان ءِ مینوفیکچرنگ سیکٹر ءِ ریڑھ ءِ ھڈ جوڑ کنت ءُ روزگار ءِ موہ پیداک کنگ، صنعتی دیمروئی ءُ برآمدات ءَ را گیش کنگ ءَ ھاسیں کرد پیلو کنت۔ ایس ایم ایز ءِ مھکم کنگ حکومت ءِ یک کلیدی اولویت اِنت۔ ڈل ءَ افریقی مارکیٹ آنی تہ ءَ کاروباری گند ءُ نند ءُ تجارتی ڈل آنی برجائی ءِ واستہ حکومتی کمک ءِ ھم لوٹ کتگ تانکہ پاکستانی کاروباری ادارگ آناں تجارتی سیادی ءِ جوڑ کنگ ءَ کمک بہ بیت۔ وزیر کامرس ءَ گوشت کہ افریقہ ءِ گیش بوھوکیں آبادی ءُ مقابلہ ءِ نرخ ءِ چیز آنی لوٹ پاکستان ءِ انجینئرنگ، دھات، لوگی سامان ءُ لائٹ مینوفیکچرنگ ءِ شوبگ آنی واستہ مزنیں موہ آنی پجارینگ ءَ انت۔ گند ءُ نند ءَ کاروبار کنگ ءِ مزنیں ھرچ ءُ درچ، توان ءِ نرخ، ٹیکس، ارزانیں سرمایہ ءِ رسائی ءُ کوھنیں صنعتی مشینری ءِ بدل کنگ ءِ سر ءَ ھم ھیال ریچی کنگ بوت۔ جام کمال ءَ گوشت کہ حکومت صنعتی مقابلہ کاری ءَ را گہتر کنگ، ٹیکنالوجی ءِ اپ گریڈیشن ءَ را گیش کنگ ءُ فنانسنگ ءِ جوانیں رسائی ءِ وسیلگ ءَ نوکیں رنگ ءَ را دلبڈی دیگ ءِ واستہ اصلاحات آنی سر ءَ سرگرمیں رنگ ءَ کار کنگ ءَ اِنت۔ وزیر ءَ ایکسپورٹ امپورٹ بینک آف پاکستان ءِ حوالہ ءَ ڈل ءَ را سرپد کت کہ حکومت ایکسپورٹ فنانسنگ ءُ کریڈٹ گارنٹی ءِ آسراتی ءَ را دیم ءَ آرگ ءَ انت تانکہ ایکسپورٹرز ءَ را آسراتی دیگ ءَ انت۔ آئی ءَ کاروباری ادارگ آناں پاکستان ءِ ایکسپورٹ امپورٹ بینک آنی کمک ءَ مالی کمک ءِ واستہ کمرشل بینک آنی گوما رابطہ کنگ ءِ واستہ دلبڈی دات ءُ آھاں دل یکیمی دات کہ وزارت اے آسراتی آناں رسگ ءِ واستہ ایکسپورٹر آنی دیم ءَ اوشتاتگیں راستیں جیڈھ آناں گیواری کنت۔