اسپیکر راجی اسمبلی ءَ  ہنگو ءَ پولیس چیک پوسٹ ءِ سر ءَ ناشرکاری اُرش ءِ  مذمت کتگ ، پولیس ءِ 9 کارندہ آناں  توسیپ ءُ ستا

اسلام آباد۔30جولائی  (اے پی پی):  راجی اسمبلی ءِ اسپیکر سردار ایاز صادق ءَ ضلع ہنگو ءَ پولیس چیک پوسٹ ءِ سر ءَ ناشرکاری اُرش ءِ مذمت کنان ءَ ڈی ایس پی دیار خان ءَ ھوار 9 پولیس کارندہ آنی بیرانی ءِ سر ءَ سک باز رنج ءُ گم ءِ درشانی کت۔ پنچ شمبے ءِ روچ ءَ وتی مذمت ءِ تہ ءَ آئی ءَ ڈی ایس پی دیار خان ءُ ناشرکار آنی گوما دلیری ءَ گوں جنگ ءِ وھد ءَ شہید  بوتگیں پولیس ءِ کارندہ آناں شگر ءُ منت گپت ءُ اُرش ءِ ناکام کنگ ءُ اُرش کنوکیں ناشرکار آناں ھلاس کنگ ءِ پد ءَ پولیس ءِ کارندہ ءُ کارندہ آناں شگر ءُ منت گپت۔ اسپیکر ءَ شہیدانی گس آنی گوما دلپدردی ءِ درشانی کت ءُ گوشت کہ آہانی غم ءُ بیم ءَ یک پیم ءَ شریک آں ۔ سردار ایاز صادق ءَ ڈی ایس پی مجاھد حسین ءَ ھوار پولیس ءِ ٹپیگیں کارندہ آنی زوت جان سلامتی ءِ دعا لوٹ اتگ۔ آئی ءَ گوشت کہ دلیریں پولیس افسر ءُ سپاھیگ آنی قربانی بے سوب نہ رو اَنت، پولیس ءِ نیمگ ءَ ناشرکاری ءِ ھلاپ ءَ جنگ ءَ ابدمانیں قربانی داتگ، ناشرکاری ءِ ھلاپ ءَ جنگ ءَ سیکورٹی فورسز ءُ کانود نافذ کنوکیں ادارگ آنی ابدمانیں قربانی راج ءَ را مدام یات بیت۔ آئی ءَ گوشت کہ ناشرکار وتی نا شریں مول ءُ مراد آنی تہ ءَ کدی سوبمند نہ بنت، آھانی بزدلیں کار ناشرکاری ءِ ھلاپ ءَ راج ءِ جزم ءَ را ھلاس نہ کن اَنت۔ راجی اسمبلی ءَ چہ اللہ تعالیٰ ءَ دعا کت کہ شہیدانی رُتبہ بُرز بہ کنت ءُ غم ءِ آماچیں ھانداناں صبر ءُ اوپار بہ دنت۔