سپن وام (شمالی وزیرستان)۔ 3 مارچ (اے پی پی) مزن وزیر محمد نواز شریف ئَ گوشت کہ تُرس ئُُ جدل ئِ زمانگ ھلاس بوتگ، مرچی یک نوکیں دور ئِ بندات بوھگ ئَ اِنت، تھاری دورت بوھگ ئَ اَنت ئُُ دیمروئی ئِ نیمگ ئَ گام جنگ بوھگ ئَ اِنت، پیسر ئِ رد ئَ انوں گران بہائی کم بوھگ ئَ اِنت، لوڈشیڈنگ سئے چار کلاک آنی بوھگ ئَ اِنت، کارخانہ آنی تہ ئَ 24کلاک ئَ توان دیگ بوھگ ئَ اِنت، توان ئِ نیاد کم بوتگ، سرجمیں ملک ئَ موٹرویز ئُُ دگ آنی جال ئِ چیر گیجگ ئَ آں، یک ہزار ارب کلدار ئَ چہ گیش دگ آنی منصوبگ ئِ سر ئَ ھرچ ئُُ درچ کنگ بوھگ ئَ اِنت، فاٹا ئِ تہ ئَ وانگ جاھ جوڑ بوھگ ئَ ِاِنت دگ ئُُ انفراسٹرکچر جوڑ کنگ بوھگ ئَ اِنت، فاٹا ئَ را گوں وت ھمگام کنگ بوھگ ئَ اِنت، ایف سی آر ئِ ھلاسی کنگ ئُُ نوکیں کانود جوڑ کنگ بوھگ ئَ اِنت، مار جنگ ئُُ جدل ئُُ ھرابیں ھیال داروکیں مردم ئُُ سیاست کنوک آں چہ گستا بوھگی اِنت ئُُ دل ئَ را مزن کنگ ئُُ کسان کسانیں نپ ئُُ سیت ئَ چہ ڈن در کپگ ئُُ دیمروئی ئِ واستہ وت مہ وت دست مہ دست بوھگی اِنت۔ آدینگ ئِ روچ ئَ کرم تنگی ڈیم ئِ بنگیجی مراگش ئِ موہ ئَ گشتانک دیان ئَ مزن وزیر ئَ گوشت کہ مرچی سک باز نیکیں منصوبگ ئِ بندات کنگ بوھگ ئَ اِنت، کرم تنگی ڈیم پراجیکٹ ئِ بنیات ئَ چہ گوریچانی وزیرستان ئَ یک نوکیں زمانگ ئِ بندات بیت۔ اے گپ ئِ جاراِنت کہ ترس ئُُ بیم ئِ زمانگ گڈ بوتگ ئُُ مروچی نوکیں زمانگ ئِ بندات بوتگ۔ آئی ئَ گوشت کہ ھُدا ئِ شگر اِنت کہ بے یکیمی ھلاس بوھگ ئَ اِنت ئُُ اُمیت ئِ چراگ روشنا بوھگ ئَ اِنت۔ اِدا پیسر ئَ ترس تالان بوتگ ، اللہ پاک ئِ فضل ئُُ کرم ئَ یکوئی ئُُ دوستی ئِ حکمرانی اِنت۔
