اسلام آباد۔ 14 ستمبر (اے پی پی) چین پاکستان اقتصادی راہداری ڈٹ انا رداٹ خصوصی اقتصادی زون رشکئی ءِ ملفوک آ مسہ نیم کلومیٹر روڈ آ جوڑ جاڑی کاریم ترندی اٹ برجاءِ، دازون انا تفنگ نا بنائی مرحلہ ٹی 50 ہزار آن زیات مخلوق ءِ روزگار نا وارخواہی دُوبریک۔ زرکاری بورڈ انا کمامدارآتا رداٹ خیبر پختونخوا نا ضلع نوشہرہ ٹی واقع رشکئی اقتصادی زون آ کاریم ترندی اٹ برجاءِ، رشکئی اقتصادی زون (ایم ون نوشہرہ) کن 2 ہزار ایکڑ ڈغار دوئی کننگانے و صنعتی بستی نا جوڑ کننگ کن گام گیج آتا چرجوئی ترندی اٹ برجاءِ۔ تدوک آ دے وزیراعظم عمران خان خیبر پختونخوا نا اہم اولیتی رشکئی خصوصی اقتصادی علاقہ نا شونداری معاہدہ تون اوار ہرچار آ صوبہ غاتیٹی 10 خصوصی اقتصادی علاقہ غاتا جوڑ کننگ نا منظوری ءِ تسوسس ہراڑآن ہندی مخلوق کن روزگار نا وارخواہی ودی مریک۔ داڑتون اوار اوار خصوصی اقتصادی علاقہ غاتیا عملدرآمد اٹی ترندی اتنگ کن وزیراعظم تعلقدار کمامدار آتے صوبائی حکومت آتون کمک فراوان کننگ نا پارت کرینے و زرکارآتا آسراتی کن اسپیشل اکنامک زون ورکنگ پڑک اس ٹہیفنگ نا ہم پرمان کرے۔

متعلقہ مضامینمصنف کی طرف سے مزید