اسلام آباد۔03مارچ( اے پی پی) ملک ءِ صدر ممنون حسین ءَ گشتگ کہ باندات اقتصادی کمک گل ءِ باسکیں ملک آنی اِنت ءُ اے اقتصادی بلاک سرجمیں دگنیا ءِ لوٹ بیت۔ آئی ءَ اسلام آبادءَ بوتگیں اقتصادی گل ءِ 13می سروکی اجلاسءِ سرءَ اوست ءِ درشانی کتگءُ گشتگ کہ ایشی ءَ چہ خطہ ءِ تہا کمک گیش بیت۔ ملکءِ صدر ءَ اے گپ ایوان صدرءَ اقتصادی کمک تنظیم چیمبر آف کامرس ءِ ڈل ءَ گوں گندءُ نندءِ وھدءَ کتگ۔ ڈل ءِ تہا کمک گل ءِ سیکرٹری جنرل حلیل ابراہیم آغا ءَ ابید ترکی، ایران ، اوگانستان ، تاجکستان، کرغستان، آذربائیجان ءُ ایف پی سی سی آئی ءِ عہدگ دار ھم ھوار بوتگ اَنت۔ ملکءِ صدر ءَ گشتگ کہ اقتصادی کمک گل ءِ باسکیں ملک نماش بہ کن اَنت تنکہ باسکیں ملک آنی درنیامءَ باپاری ءِ تہاگیشی کنگ بہ بیت۔
