اسلام آباد۔03مارچ( اے پی پی ) مزن وزیر محمد نواز شریف ءَ گشتگ کہ حکومت ءَ زرکاری پالیسی جوڑ کتگءُ تچک ءَ تچک درملکی زرکاراناں اے نیمگءَ دلگوش کنگءُ جوانیں چاگرد پھجارینگءِ ھاترءَ جوانیں فریم ورک داتگ۔ آ جمعہ ءِ روچءَ چائنہ شپ بلڈنگ کمپنی ءِ چیئرمین ڑوزیکی ءَ گوں گپ ءُ تران کنگءَ بوتگ کہ آھاں مزن وزیر گسءَ گندءُ نند کتگ۔ مزن وزیر ءَ گشتگ کہ مہ یک آزاتیں ءُ زرکار دوستیں پالیسی جوڑ کتگ کہ ایشی ءِ تہا زرکاری ءِ سرءَ پاھدگ ڈنی ملکءَ دیم دیئگ ءِ سرءَ ھچ وڈیں بندش نہ بیت۔ مزن وزیر ءَ گشتگ کہ پاکستان ءِ پالیسی لبرلائزیشن ، ڈی ریگولیشن ، پرائیویٹائزیشن ءُ آسراتی پھجارینگ ءِ بنیاتءَ جوڑ اِنت۔
