سپن وا م ( گوریچانی وزیرستان) ۔03مارچ( اے پی پی) مزن وزیر محمد نواز شریف ءَ جمعہ ءِ روچءَ گوریچانی وزیرستان ءَ کرم تنگی ڈیم ءِ بُن اِشت ایر کتگ۔ اے موھ ءِ سرءَ گورنر خیبر پختونخوا اقبال جھگڑا، دیمپانی ءِ بنجاھی وزیر خواجہ محمد آصف، جمیت علمائے اسلام (ف) ءِ سروک مولانا فضل حسین ھم ساڑی بوتگ۔ مزن وزیر ءَ تختی ءِ دیم درائی کتگءُ ڈیم ءِ بندگءِ بُن اِشت ایر کتگ۔ کرم تنگی ڈیم ءَ 1.2ملین ایکڑ فٹ آپ مُچ کنگ ءِ گنجاش بیت ءُ گوریچانی وزیرستان ایجنسی ءِ دمگ کر م تنگی ءَ جوڑ کنگ بیت۔ اے ڈیم ءَ چہ 83.4میگاواٹ لین دست کپیت۔ ایشی ءَ ابید گوریچانی وزیرستان ایجنسی ءُ خیبر پختونخوا ءَ کشتءُ کشاری مول ءُ مراد ءِ ھاترءَ آپ دست کپیت ءُ ھارءَ چہ ھم رکھّگ بیت۔ اے منصوبہ دومی بھرءِ تہا سرجم کنگ بیت۔ اولی بھر سئے سالانی مدت ءِ تہا سرجم کنگ بیت۔
