مزن وزیر محمدنواز شریف ءِ سروکی ءَ سلامتی ءِ ھوالگءَ مزن تک ءِ اجلاس، آپریشن ردالفساد ءِ نتیجگ ءِ تپاسی کتگ، تاں مو ل ءُ مرادءِ پیلو بوھگءَ آپریشن جاری کنگءِ جزم

اسلا م آباد۔03مارچ( اے پی پی) مزن وزیر محمد نوازشریف ءِ سروکی ءَ جمعہ ءِ روچءَ مزن وزیر گس ءَ سلامتی ءِ ھوالگءَ مزن تک ءِ اجلاس بوتگ کہ ایشی ءِ تہا آپریشن ردالفساد ءِ نتیجگ ءِ تپاسی کنگ بوتگ کہ تپاکی ءِ گوما اے جزمءِ درشانی کنگ بوتگ کہ تاں اہداف ءِ حاصل کنگءَ آپریشن جاری بیت ۔ اجلاس ءِ تہا گشگ بوتگ کہ آپریشن ردّالفساد سرجمیں ملکءَ چہ ناشرکاریءِ سرجمیں ھلاسی ءِ راجی جزم ءِ عکس کشی ءَ کنت۔ مزن وزیر محمد نواز شریف ءَ گشتگ کہ دراھیں باسکانی تہا ھم تپاکی ءُ ناشرکاری ءُ بیم کاری ءَ چہ نجات ءِ ھاترءَ اُلس ءِ جزبگ ناشرکاری ءِ ھلاپ ءَ جنگ ءَ مے سوبمندی ءِ ضمانت اِنت۔آئی ءَ گشتگ کہ پاکستان ءَ ناشرکاریءِ ھلاپ وتی جنگءَ بے دروریں قربانی داتگ ءُ مہ ناشرکاری ءِ ھلاپ ءَ وتی جزم ءِ سرءَ اُوشتاتگ اَنت ءُ بے ریاھ ءُ روح کنگءَ ناشرکاری ءِ ھلاسی ءِ ھاترءَ دراھیں گامگیج کنگ بنت۔ اجلاس ءِ باسکاں ھرچ وڑیں ناشرکاری ءِ ھلاسی ھاترءَ دراھیں ریاستی زوراں کارمرز کنگ ءُ یک محفوظ، امنءُ ایمنیں ءُ مھکمیں پاکستانءِ ھا ترءَ یک مُشتییں مول ءُ مراد ءَ استیں رکاوٹاں دور کنگءِ سرءَ تپاک کنگ بوتگ۔