دوحہ۔ 07 ستمبر (اے پی پی) اوغانستان اٹی امن کن طالبان تا مذاکراتی ٹیم قطر انا دارالحکومت دوحہ آ سرمسنے۔ اوغانستان کن امریکہ نا خصوصی ایلچی زلمے خلیل زاد مہالو آن دوحہ آ سرمسنے وخت اس کہ اوغان حکومت نا ترجمان پارینے کہ اونا ٹیم ہم دوحہ غا روانہ مننگ کن تیار ءِ۔ طالبان نا ترجمان سہیل شاہین نا رداٹ اومیت ءِ کہ گڑاس تکنیکی باندات آتا طے مننگ آن پد مذاکرات زوت بناکیک۔ داکان مست اوغان طالبان نا ٹیم پاکستان نا دورہ ءِ کرینے، ہراڑے امن نا بابت ٹک آتیا گپ وتران مس۔ امریکہ نا طالبان آتون فروری ٹی طے مروک آ ڈیل انا رداٹ دا مذاکرات مارچ اٹ بناکروئی ئسک ولے طالبان بندی تا یلہ کننگ نا باندات داٹی تاخیر نا سوب مرسا ہنا۔
